Qazaqstan • 13 Aqpan, 2020

Qazaqstannyń bastamalary BUU-nyń Venadaǵy bóliminde joǵary baǵalandy

48 retkórsetildi

Qazaqstan Respýblıkasy Syrtqy ister mınıstriniń orynbasary Erjan Ashyqbaev 2020 jyly 10-12 aqpanda Aýstrııaǵa jasaǵan jumys sapary barysynda Venada ornalasqan BUU uıymdarynyń basshylyǵymen kezdesti. Bul týraly Syrtqy ister mınıstrliginiń baspasóz qyzmeti habarlady. 

Atap aıtqanda, Atom energııasy jónindegi halyqaralyq agenttiginiń Bas dırektory Rafael Grossı Qazaqstannyń ıadrolyq qarýdy taratpaý rejımin nyǵaıtý jónindegi jahandyq kúsh-jigerdegi erekshe rólin atap ótti. Taraptar ıadrolyq qaýipsizdikti nyǵaıtý jáne atom energııasyn beıbit maqsatta paıdalaný máselelerin, sondaı-aq aýylsharýashylyǵy, medısına, sý sharýashylyǵy, burynǵy Semeı polıgonynyń aýmaǵyn qalpyna keltirý maqsatynda AEHA-nyń atomdyq jáne radıasııalyq tehnologııalaryn paıdalaný bolashaǵyn talqylady.

AEHA Bas dırektory Vena qalasynda ótken Iаdrolyq qaýipsizdik jónindegi konferensııaǵa qazaqstandyq delegasııasynyń qatysqany úshin alǵysyn aıtyp, elimizdiń ıadrolyq qaýipsizdikti nyǵaıtýǵa qosqan úlesin eskere otyryp, Qazaqstan 2021 jyly Venada ótetin Iаdrolyq materıaldy fızıkalyq qorǵaý týraly Konvensııanyń Sholý konferensııasynda tıisti deńgeıde qatysady dep úmit bildirdi.

BUU-nyń Venadaǵy bóliminiń jańadan taǵaıyndalǵan Bas dırektory, BUU Esirtki jáne qylmys jónindegi basqarmasynyń (BUU EQB) Atqarýshy dırektory Gada Valımen bolǵan kezdesý barysynda taraptar qylmystyń aldyn alý jáne qylmystyq sot tóreligi, sondaı-aq shetel terrorıst jaýyngerlerge qatysty qaýip-qaterlerdiń aldyn alý syndy ekstremızm men terrorızmge qarsy is-qımyl salasyndaǵy keń aýqymdy máselerdi talqylady.

G. Valı Qazaqstannyń óz azamattaryn, eń aldymen áıelder men balalardy Taıaý Shyǵystaǵy soǵys aýmaqtarynan qaıtarý jónindegi kúsh-jigerin joǵary baǵalady. Sondaı-aq, BUU EQB Almaty qalasynda ornalasqan Ortalyq Azııalyq aqparattyq úılestirý ortalyǵynyń (CARICC) esirtkimen kúrestegi praktıkalyq qyzmetine erekshe nazaryn jalǵastyratyrýǵa daıyndyǵy jáne osy Ortalyqqa tolyqqandy qolǵabys kórsetýge nıetti ekeni aıtyldy.

Iаdrolyq synaqtarǵa jappaı tyıym salý týraly shart uıymynyń (IаSJTSh) Atqarýshy hatshysy Lassına Zerbo suhbat barysynda 1991 jylǵy 29 tamyzda Semeı polıgonyn jabýǵa sheshim qabyldaǵan Qazaqstannyń Tuńǵysh Prezıdenti – Elbasy N.Nazarbaevtyń arqasynda 1996 jyly IаSJT-ny qabyldaý úderisi bastalǵany týraly atap ótti. Suhbattas Qazaqstannyń IаSJTShU-ǵa qosyp otyrǵan erekshe úlesine nazar aýdaryp, elimizdiń bastamasy boıynsha Birikken Ulttar Uıymy jyl saıyn 29 tamyzda Halyqaralyq ıadrolyq synaqtarǵa qarsy kúndi atap ótetinin málimdedi.

Qazaqstan men IаSJTShU arasyndaǵy odan ári yntymaqtastyqtyń baǵyttary, atap aıtqanda, ıadrolyq synaqtardy jasyrýǵa múmkindik bermeıtin IаSJTShU-nyń Ǵalamdyq baqylaý júıesiniń birlesken elementi retinde elimizde alǵashqy bekzat gazdardyń radıonýklıdtik baqylaý stansııasyn ornalastyrý máseleleri talqylandy.

Sonymen qatar, BUU-nyń Venadaǵy bólimine zııarat barysynda E.Ashyqbaev esirtki jáne onyń prekýrsorlary salasynda ǵylymı jáne sot-saraptamalyq zertteýler júrgizetin, sondaı-aq quqyq qorǵaý, arnaıy jáne konsýldyq qyzmetterdiń jalǵan sáıkestendirý qujattardy anyqtaý syndy quzyretin arttyratyn mamandandyrylǵan zerthananyń qyzmetimen tanysty.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar