Qazaqstan • 13 Aqpan, 2020

A. Mamın Túrkistan qalasynda ınfraqurylymnyń salyný barysyn tekserdi

123 retkórsetildi

Premer-Mınıstri Asqar Mamın jumys sapary aıasynda Túrkistan qalasyndaǵy nysandardyń salyný barysyn tekserdi. Bul týraly Premer-Mınıstrdiń baspasóz qyzmeti habarlady.

Premer-Mınıstr Túrkistan qalasyndaǵy jańa áýejaıdyń jáne oǵan aparatyn avtomobıl jolynyń salyný barysymen tanysty. Nysan oblys ortalyǵynan 16 shaqyrym qashyqtyqta ornalasqan jáne bıyl qyrkúıek aıynda paıdalanýǵa beriledi. Termınaldyń ótkizý qabileti jylyna 3 mln jolaýshyny quraıdy dep josparlanýda. 

A. Mamın Kongress-holl, Oqýshylar saraıy, ákimdiktiń keńseler ǵımaraty, basseıni bar sport kesheni, 7 myń orynǵa shaqtalǵan stadıon, drama teatry, oblystyq ǵylymı-ámbebap kitaphana, attraksıondary bar qalalyq saıabaq, «Uly dala eli» ortalyǵy jáne Q. A. Iаssaýı mýzeıi ǵımarattarynyń qurylys alańdaryn aralady, sondaı-aq, Uly Jibek joly Ulttyq qolónershiler ortalyǵy men kelý ortalyǵynyń ǵımarattarynyń qaıta jóndelý barysyn tekserdi. 

Úkimet basshysy árqaısysy 120 bólmeden bolatyn «Rixos Turkestan» jáne «Hampton by Hilton» qonaq úıleriniń, sondaı-aq, «Sembol construction» túrik kompanııasy salyp jatqan, ınvestısııa kólemi 80 mlrd teńgeni quraıtyn «Kerýen-saraı» kópfýnksıonaldy týrıstik kesheniniń qurylysy barysymen tanysty. Bul qonaq úı-týrıstik nysandardyń barlyǵyn bıyl paıdalanýǵa berý kózdelgen. 

1

«Tuńǵysh Prezıdent – Elbasy Nursultan Ábishuly Nazarbaev jáne Memleket basshysy Qasym-Jomart Kemeluly Toqaev Túrkistan qalasynyń damýyna erekshe kóńil bóledi. Bıyl kúzde munda Túrki tildes memleketterdiń yntymaqtastyǵy keńesiniń sammıtin ótkizý josparlanǵan. Osyǵan oraı barlyq qajetti nysandardyń qurylysynyń ýaqytyly ári sapaly aıaqtalýyn qamtamasyz etý qajet», — dedi A. Mamın. 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar