«Álbette mundaı oqıǵa kezindegi basty qural – resmı túsindirme berý. Aqparatty barynsha shuǵyl berý kerek. Biraq mundaıda kelesi problemamen betpe-bet kelemiz: ýatsappen taraıtyn arandatatýshy, daýyspen taraıtyn habarlama búkil chattarǵa 20 mınýttyń ishinde tarap ketýi múmkin. Al bul habarlamany rastaý nemese joqqa shyǵarý úshin odan uzaq ýaqyt kerek. Atap aıtqanda ol úshin oqıǵa ornyna shyǵyp, aqparattyń shyn-ótirigin tekserip, sebepterin anyqtaý kerek. Álbette, bul ýaqytta qajet etedi», - dedi Dáýren Abaev.
Bul Qazaqstanda ǵana emes, álem elderi úshin de ózekti taqyryp bolyp otyr.
«Onyń tyń mysalyn koronavırýsqa qatysty jalǵan aqparattan-aq kórýge bolady. Dúnıejúzilik densaýlyq saqtaý uıymy jalǵan aqparattarǵa qarsy turý úshin «Google» kompanııasyna júginýine týra keldi. Sol sebepti mundaı provakasııalyq jaılarmen kúresýdiń eń tıimdi ári uzaq merzimdi mehanızmi – aqparatty tutyný mádenıeti. Biz sol úshin árdaıym aqparattyq gıgıena máselesin jıi kóteremiz. Týysy nemese kórshisi bir jibergen aqparatqa senip qalmaı, oqıǵanyń resmı túsindirmesin kútken adam ǵana aqparattyq gıgıenany saqtaı alady», - deıdi mınıstr.
Onyń aıtýynsha, halyq kez kelgen jańalyqty senimdi aqparat kózinen baqylap otyrýǵa tıis. Sondyqtan medııalyq saýattylyqty arttyrý boıynsha Aqparat jáne qoǵamdyq damý mınıstrligi Bilim jáne ǵylym mınıstrligine mektep qabyrǵasynan bastap júzege asyrýǵa bolatyn qanat qaqty joba usynbaq.
