Aımaqtar • 14 Aqpan, 2020

Qaýipsizdik sharalary qajet

20 retkórsetildi

Kóktemgi sý tasqynyna daıyndyq – jergilikti bılik pen tótenshelikterdiń jyldaǵy daǵdysy. 2020 jyldyń kóktemin zardapsyz ótkizý úshin jaqynda Batys Qazaqstan oblysy ákiminiń birinshi orynbasary Muhtar Mankeev tótenshe jaǵdaılardyń aldyn alý jáne joıý komıssııasynyń otyrysyn ótkizdi.

Bıylǵy qys erekshe. Oblystyń biraz aýdanynda qar joq. Ádette qar­ly bolyp keletin óńirlerde de ja­ýyn-shashyn deńgeıi tómenirek boldy. Aqpan aıynyń basynda tabıǵat tosyn minez kórsetip, jańbyr jaýdy. Oral qalasynda, keıbir eldi mekenderde erigen sý jınalyp, turǵyndarǵa qaýip tóndirdi.

– Sý tasqynyn boldyrmaý maqsa­tyn­da eldi mekenderde qar shyǵarý jáne sý sorý jumysy júrgizilýde. Shyǵa­rylǵan qardyń kólemi 112 myń tekshe metrden asady, erigen qar sýy – 3477 tekshe metr. Qazirgi tań­da kóktemgi maýsymǵa 240 tonna janar-jaǵarmaı, 89 myń dana qapshyq, 19 myń tonna ınertti materıal­dar qory daıyndaldy. Qosymsha qa­jet materıaldyq jáne tehnıkalyq resýrstardy satyp alý boıynsha ju­­mys júrgizilýde. Bizge áli 51 tonna janar-jaǵarmaı, 40 myńǵa jýyq qap kerek, – dep málimdedi oblystyń bı­y­­lǵy sý tasqyny jaǵdaıy týraly baıan­­­dama jasaǵan oblystyq tótenshe jaǵ­daılar departamentiniń bastyǵy ge­ne­­ral-maıor Jasulan Jumashev.

Komıssııa otyrysynda Oral qa­la­sy, Qaztalov, Terekti, Báıte­rek aýdan­darynyń ákimderi óz aýma­ǵyn­daǵy jaǵdaı týraly baıandap, usy­nys­ta­ryn engizdi. Sondaı-aq oblystyq komıssııa músheleri sý tasqynynyń aldyn ala boljamyn, gıdrotehnıkalyq qurylystardyń jaı-kúıin, oblystyq jáne respýblıkalyq joldardyń jaı-kúıin, jem-shóp sany men olardy qystaýǵa deıin jetkizý máselelerin baıandady.

Árıne tabıǵat qubylystaryna barynsha daıyn otyrý kerek. Muhtar Mankeev sý tasqynyn apatsyz ótkizýmen birge sý qoımalaryna qa­jet­­ti mólsherde sý jınap alý da óte ma­ńyzdy ekenin eske saldy.

Bıylǵy qys Batys Qazaqstan úshin qarsyz, jaılyraq bolǵanyn aıttyq. Kóktem erte shyqsa, aldymen dala ózen­deriniń arnasy tolady. Máselen, qara­tóbelik tótenshelikter aýdan aýma­ǵyndaǵy Qaldyǵaıty, Jaqsybaı, Jar­ly ózenderi tasyǵan jaǵdaıda aýyl turǵyndarynyń qaýipsizdigin tekserýde. Tasqyn kezinde qatynassyz qalatyn eldi mekenderdiń azyq-túlik qoryn jasaqtaý, ózen arnala­ryn bıiktetý, keı osal jerlerdi kú­sheı­tý úshin ár aýyldyq okrýgte tur­ǵyn úılerdiń qaýipsizdigin qamta­ma­syz etý maqsatynda daıyndyq ju­mys­tary júrip jatyr. Qysyltaıań jaǵ­daı­da qajetti qaıyqtar, qutqarý keý­de­she­le­ri, motopompalar daıyn.

 

Batys Qazaqstan oblysy

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar