Aımaqtar • 14 Aqpan, 2020

Jaǵalaýlar bekitildi

11 retkórsetildi

Aldaǵy kóktemde Tobyl-Torǵaı óńirin­de­gi 96 eldi mekendi sý basyp qalý qaýpi bar. Avtokólik trassalary boıyndaǵy 136 jol ýchaskesi de qyzyl sýdyń astynda qalýy múmkin.

Qostanaı oblystyq tótenshe jaǵdaılar departamentiniń málimetinshe, oblysta aqpan aıynyń basynda túsken qardyń bıiktigi – 25 santımetr. Bul qalypty normadan 132%-ǵa kóp, deıdi mamandar. Ásirese Meńdiqara, Qara­ba­lyq, Sarykól jáne Qarasý aýdandarynda qar qalyń. Arqalyq óńiri men Áýlıkól aýdanynda jer betindegi ylǵal 150%-dan 277%-ǵa deıin jetedi. 

Oblysta sý tasqyny qaýpin eskertý jáne joıý jónindegi arnaıy baǵdarlama bar. Atalǵan baǵdarlama aıasynda ótken jazda kóktemde sý basyp qalýy yqtımal aýyldarǵa syrttan keletin qyzyl sýdy ózenge qaraı buratyn sý arnalary qazylǵan. Eldi mekenderge jaqyn jaǵalaýlar  bekitilip, ózender tereńdetilgen.

–  1 naýryzdan bastap sý jibergish quryl­ǵy­lar men bógetterdi tazarta bastaımyz. Qazirdiń ózinde 130 tonna janarmaı, 10 myń tonna ınertti materıal, qum toltyrylǵan 42 myń qap daıyndap qoıdyq. Búginge deıin eldi mekenderden 570 myń tekshe metr qar shyǵardyq. Qazir 349 tehnıka, 200-ge jýyq sý soratyn qurylǵy men qaıyqtar da­ıyn tur. Jýyq arada reseılik mamandarmen kez­de­se­miz. Eki jaqtyń málimetterin salys­ty­ryp, tereń taldaý júrgizbesek bolmaıdy, – deıdi oblystyq tótenshe jaǵdaılar basqarmasynyń basshysy Talǵat Kákimov.

Aımaq basshysy A.Muhambetov aldaǵy aptada vedomstvoaralyq komıssııa otyrysyn ótkizbek. Oǵan barlyq organdar men aýdan, qala ákimderi qatysady. Alqaly jıynda topan sýǵa tótep berýdiń qamy pysyqtalady.

 

Nurqanat QULABAEV,

jýrnalıst

 

Qostanaı

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar