Aımaqtar • 14 Aqpan, 2020

Tasqynnyń aldyn alýǵa saqadaı saı

21 retkórsetildi

Jetisý ólkesinde bıyl qys qahary qatty bolmady. Kóktemniń lebi de erte sezilýde. Qazir qasat qardyń kóbesi sógilip, yldıǵa qaraı aqqan sýdyń syldyry estile bastady. Iаǵnı, sharýa baqqan adam men tótenshe jaǵdaı qyzmetiniń elgezektik tanytatyn shaǵy keldi.

Oblys boıynsha kóktemgi sý tasqynynyń aldyn alý saldaryn joıýǵa daıyndyq joǵary deńgeıde eken. Tótenshe jaǵdaı jónindegi departamenttiń málimetinshe, óńirde sý tas­qy­ny kezeńine daıyndyq jumystary aıasynda 2285 shaqyrym aryq, 2156 shaqyrym kanal tazalanyp, 100 myń tekshe metr qar eldi mekender aýmaǵynan shyǵarylǵan. Qala mańyndaǵy 5 myń shaqyrym aryq ishi qoqys, topyraqtan arshylǵan. Sonymen qatar eldi mekenderdegi sý ótkizý qurylǵylary da tazalandy.

Bul jumystar ár aýdanda júrip jatyr. Mysaly, Kóksý aýdany kóktemgi sý tasqynyna saqadaı saı eken. О́ıtkeni Jeti­sý­­dyń bir saǵasy sanalatyn Kóksý ózeni ár kóktem saıyn minez kórsetip, jaǵasyn kóbik shaıyp, tasıtyny bar. Bul kezde osy ózen­niń boıyn jaǵalaı qon­ǵan aýdannyń sharýa­shy­lyqtaryna sel qaýpi tónedi. Ásirese bıyl­ǵydaı taýǵa qar qalyń túsip, kún raıy erte jylynǵan kezde qater eki eselenedi. 2018 jyly Kóksý aýdanynyń Muqyry aýy­ly men Kóksý beketi aýmaǵyndaǵy eldi mekenderdiń kóshesine deıin qyzyl sý kirip, turǵyndar ábigerge túsken bolatyn. Byltyr bul qaýiptiń aldy alynyp, ózen jáne kanal arnalarynyń saǵasyn keńeıtý, túbin tereńdetý, tazartý jumystary júrgizilgen edi. Oblystyq bıýdjetten bólingen qarjy tıimdi jumsalyp, ózen mańyndaǵy aýyldarǵa tasqynnan tónetin qater azaıǵan. Bıyl da kún raıynyń qubylýy ózen arnasyndaǵy sýdyń kólemin kóbeıtip otyr. Demek, qaýip tónbese de saqtyq sharalary jasalýy tıis.

– Kóktemgi sý tasqyny kezeńine daıyndyq jumystary aıasynda 32 shaqyrym aryq, 55 shaqyrym kanal, 2500 myń tekshe metr qar eldi mekender aýmaǵynan shyǵarylyp, aýyl ishindegi aryq ishi qoqys, topyraqtan arshylyp, sonymen qatar 32 dana sý ótkizý qubyrlary da tazalandy. Aýdanda arnaıy shuǵyl áreket etý jasaǵy qurylyp, 25 tehnıka men júzge jýyq adam tótenshe jaǵdaımen kúresýge daıyn otyr, – deıdi Kóksý aýdanynyń ákimi Almas Ádil.

 

Almaty oblysy

 

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar