Saıasat • 14 Aqpan, 2020

Tıimdi memorandým

58 retkórsetildi

Qazaqstan Respýblıkasynyń Tuńǵysh Prezıdenti – Elbasy kitaphanasy men Bas prokýratýra janyndaǵy Quqyq qorǵaý organdary akademııasy arasynda Yntymaqtastyq týraly memorandýmǵa qol qoıyldy.

Kelisimge qol qoıý – eki mekeme arasynda burynnan qalyptasqan yntymaqtastyqtyń qısyndy jalǵasy.

– Elbasy kitaphanasy ashylǵaly beri seriktestik qatynastardy damytýǵa baǵyttal­ǵan birqatar memorandýmǵa qol qoıyldy. Osyndaı qyzmet túri eki jaqqa utymdy jobalar men baǵdarlamalardy ázirleýge jáne iske asyrýǵa múmkindik beredi. Elbasy kitap­hanasynyń ǵylymı bilim berý jobalary Qazaq­stan Respýblıkasy Tuńǵysh Prezıdentiniń tujy­rymdamalyq ıdeıalary men jahandyq bas­tamalaryn, jastar jobalaryn júzege asyrý arqyly «Qazaqstandyq jol» erekshelikterin, «Máńgilik el» ulttyq ıdeıasyn, Elbasynyń baǵdarlamalyq qujattary men maqalalaryn zerdeleýge baǵyttalǵan. Biz qoǵamdyq-saıası kún tártibimen úndesý maqsatynda semınar-trenıngter taqyrybyn jyl saıyn jandandyryp otyramyz, – dedi kezdesýdi ashqan Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory Ámirhan Rahymjanov.

Quqyq qorǵaý organdary akademııasynyń rektory Erǵalı Merzadınov Elbasy kitaphanasy óskeleń urpaqty tárbıeleýge úlken úles qosyp jatqanyn jáne Akademııa tyńdaýshylary kitaphananyń bilim berý baǵdarlamalarynyń belsendi qatysýshylary ekenin atap ótti.

Qol jetkizilgen kelisimderdiń mańyzdylyǵyna toqtalǵan E.Merzadınov pen Á.Rahymjanov qalyptasqan áriptestik qarym-qatynastardyń sıpaty men sapasynyń qanaǵattanarlyq ekenin, Qazaqstan Respýblıkasynyń Tuńǵysh Prezı­denti – Elbasy N.Á.Nazarbaevtyń ıdeıalary men bastamalaryn ilgeriletýge baǵyttalǵan yntymaqtastyqtyń basqa da perspektıvalyq baǵyttaryn júzege asyrýǵa jáne jastar saıasatyn damytý salasyndaǵy ózara is-qımylǵa daıyn ekendikterin bildirdi.

Taraptar elimizdiń qalyptasýy jáne damý tarıhyn zertteý boıynsha birlesken mádenı-bilim berý, shyǵarmashylyq jáne ǵylymı-zertteý jobalaryn júrgizýge ýaǵdalasty. Eki jaq qazaqstandyq qoǵamdy jan-jaqty jańǵyrtý jaǵdaıynda kózdegen maqsattardy júzege asyrý boıynsha birlesken kúsh-jigerdi jumyldyrýdyń, birlesken bilim berý jáne qoǵamdyq basymdyqqa ıe is-sharalardy ótkizýdiń mańyzdylyǵy jó­ninde ortaq pikirge keldi.

Elbasy kitaphanasyna kelý barysynda Quqyq qorǵaý organdary akademııasynyń rektory «Bolashaqqa jol ózińnen bastalady» semınar-trenınginiń qatysýshylary – Ál-Farabı atyndaǵy QazUÝ men  L.N. Gýmılev atyndaǵy EUÝ stýdentterimen kezdesti. Ol jastarǵa Akademııanyń qyzmeti men oqýǵa túsý sharttary týraly aıtyp berdi, qoıylǵan suraqtarǵa jaýap berdi.

Elbasy kitaphanasynan estelik retinde qonaqqa «Nursultan Nazarbaev. Bıografııa» kitaby men «Biz biletin Elbasy» kitabynyń úsh tomdyǵy tartý etildi.

 

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar