DDU ókilimen kezdesti

Taraptar DDU aıasynda densaýlyq saqtaý salasy boıynsha Turaqty damý maq­sat­taryna jetýdiń, sonyń ishinde, ana men bala ólimin qysqartý, túrli qaterli aýrýlarmen kúrestiń ózekti máselelerin talqylady.

Májilis Tóraǵasynyń pikirinshe, halyq densaýlyǵyn qorǵaý álem elderine ortaq másele. Osy jolda Qazaqstan 30 jylǵa jýyq DDU-men etene yntymaqtastyq ornatyp keledi. Ásirese, alǵashqy medısınalyq-sanıtarlyq kómek baǵytynda syndarly qatynas ornaǵan. N.Nyǵmatýlın 2014 jyly Almatyda DDU-nyń geogra­fııalyq jaǵynan shalǵaıdaǵy medısı­nalyq-sanıtarlyq kómek jónindegi keńsesi ashylǵanyn alǵa tarta kelip, 1978 jyly atal­ǵan kómek boıynsha Almaty Deklarasııasy Qazaqstanda qabyldanǵanyn eske saldy. Osynyń barlyǵy bizdiń elimizdiń  alǵashqy medısınalyq-sanıtarlyq kómekti damytý salasyndaǵy turaqty saıasatynyń kór­setkishi. Qazaqstandaǵy Almaty keńse­si jumysynyń nátıjesinde búginde Qazaq­stan­da, jalpy aımaq kóleminde úzdik tehnolo­gııa­lar engizilip, densaýlyq saqtaý qyzmet­ker­leriniń kásibıligin arttyrý qolǵa alynýda.

Májilis Tóraǵasy qazirgi ýaqytta Májilisi qaraýynda búkil qoǵam bolyp talqylap jatqan jańa Densaýlyq kodeksi boıynsha belsendi jumys atqarylyp jatqanyn aıta kelip, búgingi naqty jaǵdaılar men turaqty ózgerister kezeńinde  turǵyndardyń densaýlyǵyn kúsheıtý úshin jańa múmkindikterge jol ashýymyz kerek. Densaýlyq máselesine qatysty barlyq máseleler árqashanda Májilis jumysynyń basym baǵyttarynyń biri, – dedi.

О́z kezeginde Hans Klıýge densaýlyq salasyn ilgeriletýde Qazaqstannyń áleýeti men basymdyqtary zor ekenin atap ótti. Meımannyń aıtýynsha, Qazaqstan alǵashqy medısınalyq-sanıtarlyq kómek dúnıege kelgen jer deýge bolady. H.Klıýge myrza, bizdiń elimizdiń áleýmettik-ekonomıkalyq tabystaryna tánti ekenin jetkizip, aldaǵy ýaqytta qol qoıylǵan arnaıy kelisim bo­ıynsha densaýlyq salasyna zamanǵa saı jańalyqtar engizý, sonyń ishinde sıfrlandyrý baǵytynda birlese, belsendi jumys atqaratynyn atap ótti.

N.Nyǵmatýlın DDU ókiliniń mol táji­rı­besi tek Eýropa aımaǵynda ǵana emes, jal­py álem elderin ortaq maqsat jolynda birik­tirýge yqpal etetinine senim bildirdi, dep ha­barlady Parlament Májilisiniń baspasóz qyzmeti.