Qoǵam • 14 Aqpan, 2020

Qar tazalaý qarqyndy júrgizildi

101 retkórsetildi

Bas qalaǵa bıyl qar ádettegiden óte kóp jaýdy. Aýa raıynyń qolaısyzdyǵyna qaramastan, astanaǵa temir jolmen qajetti júk jáne janarmaı jetkizý turaqty qamtamasyz etildi.

Nur-Sultan qalasyndaǵy obektilerdiń úzdiksiz jumys isteýine kirme joldardyń qar­dan ýaqytyly tazartylyp otyrýy septigin tıgizdi. Kirme joldar – jergilikti temirjol ınfraqurylymynyń basty quramy bolyp tabylady.

«Kóliktik servıs ortalyǵy» AQ-nyń aqparaty boıynsha osy kúnderi tek astanada ǵa­na kirme joldardy qardan tazalaý barysynda 20 myń tek­she metr qar shyǵaryldy. Jal­py Qazaqstan boıynsha osy ýa­qytta arnaıy tehnıkanyń 100-ge jýyq tasymaly, 100 shaqyrymǵa jýyq kirme joldardyń taza­lanýy qamtamasyz etildi dep ha­barlaıdy elimizdegi kirme jol­dardyń negizgi tarmaǵyna ıe jaýapty kásiporyn mamandary.

«Qaraǵandy aımaǵynda kir­me joldardy qardan sapaly tazalaý jáne ýaqytyly shyǵarý boıynsha biz magıstraldy temirjol jelisi obektilerinen kem túsken joqpyz. Uqsas jaǵ­daı Aqmola jol bóliminiń tú­ıisý stansalarynda kórinis aldy, kirme joldardan 40 myń tekshe metr qar shyǵaryldy. Bul rette, Aqmola jol bólimi ar­qyly elimizdiń basty kólik arterııasy ótetinin atap aıtqan jón», deıdi «Kóliktik servıs ortalyǵy» AQ-nyń Soltústik aımaqtyq bólimshesiniń dırektory Álkeı Asylbek.

Onyń aıtýy boıynsha, kirme joldardaǵy qar tazalaý jáne sý basyp qalýdyń al­dyn alý jumystary áli de jalǵasýda.

 

Aızere SAMARQAN

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar