12 aqpan kúni Qazaqstan Respýblıkasynyń Qorǵanys mınıstri áskerı strategııalyq ortalyqqa bardy. Ol Qazaqstan Respýblıkasynyń qorǵanys salasyndaǵy ǵylymı-tehnıkalyq áleýetin damytýǵa baǵyttalady. Ortalyq 2018 jyldyń qorytyndysy boıynsha Eýrazııanyń jetekshi ortalyqtarynyń qatarynda 17 oryndy ıelendi, Qazaqstan Respýblıkasynyń Ulttyq saraptama komıssııasynyń baǵalaýy boıynsha «2018 jyldyń Qazaqstandaǵy úzdik kásiporny» atalymyna ıe boldy. Qazirgi tańda Ortalyq 16 orynda.
Ortalyqtyń jumys atqarýdy bastaǵannan beri 100-den astam ǵylymı-zertteý tájirıbelik-qurylymdyq jumystar, normatıvtik-quqyqtyq aktilerdiń 6 jobasy (Prezıdent jarlyqtary, Qazaqstan Respýblıkasynyń Úkimetiniń qaýlylary), Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıteti úshin 26 oqý quraly, 41 áskerı standarttar daıyndaldy.
Qorǵanys mınıstri Nurlan Ermekbaev áskerı-ǵylymı qyzmetine qatysty suraqtar boıynsha jınalys ótkizip, 2020 jylǵa arnalǵan «UÁSZO» AQ-nyń prezıdenti Qozy-Kórpesh Qarbozovtyń baıandamasyn tyńdady.
«Áskerı-strategııalyq zertteýler ortalyǵy» áskerı qaýipsizdik salasynda taldaý men strategııalyq zertteýlerdiń mańyzdy bólshegi bolyp tabylady. Zertteýshiler áskerı qaýipsizdik máselelerin ekonomıkalyq, aqparattyq jáne basqa da aspektilermen birge keshendi zertteýge múmkindigi bar», atap ótti vedomstvo basshysy.
Budan ózge, mınıstr QM qurylymdyq bólimshelerimen ózara is-qımyl tetikterin ornatýǵa qatysty birqatar tapsyrma berdi.
