«Túrkistan oblysy qaıta qurylǵaly beri aımaqtyń 2019 jylǵy áleýmettik-ekonomıkalyq damýynda oń dınamıka qalyptasty. О́tken jyly oblys bıýdjeti 561 mlrd teńgeden, jyl sońyna deıin 778 mlrd teńgege jetip, 217 mlrd teńgege nemese 38%-ǵa ósti. Birqatar salalar boıynsha respýblıkada kóshbasshylar qatarynan kórindik. Jalpy, ótken jyl – óńir úshin jetistikke toly jyl boldy», degen oblys ákimi damýdyń túrli salalary boıynsha kórsetkishterge toqtaldy.
Aıta ketelik, kezdesý ótkizilip otyrǵan ǵımarattyń birinshi qabatynda arnaıy jáshikter qoıylǵan. Bul tikeleı suraq qoıý múmkindigi bolmaǵan turǵyndardyń ótinish, shaǵymdaryn salýǵa qolaıly. Budan bólek, salalyq basqarma basshylary da halyqty qabyldaýda. Jyl qorytyndysymen turǵyndar tarapynan oblys ákimdigine jer, áleýmettik, turǵyn úı-kommýnaldyq sharýashylyq jáne basqa da salalarǵa qatysty jalpy 4 134 ótinish kelip túsken. Atalǵan máselerdi sheshý úshin tıisti basqarma basshylary men aýdan, qala ákimderine tapsyrma berilgen. Budan bólek, oblys ákimi jáne orynbasarlary 809 azamatty jeke qabyldap, máselelerin sheshýge atsalysty.
