Aımaqtar • 14 Aqpan, 2020

Ushý qaýipsizdigine áser etetin shaǵyn avıasııa máseleleri qaraldy

79 retkórsetildi

Almatyda ushý qaýipsizdigine áser etetin shaǵyn avıasııa máseleleri boıynsha jumys kezdesýi ótti.  Kezdesýge Qazaqstannyń avıasııalyq ákimshiliginiń, «Qazaqstannyń shaǵyn avıasııa qaýymdastyǵy (KAMA)» ZTB, «Jeńil jáne asa jeńil avıasııa operatorlary (ELISA)» ZTB basshylary, Qazaqstan Respýblıkasy Qorǵanys mınıstrliginiń, Kólik prokýratýrasy jáne otandyq shaǵyn avıasııa áýe kompanııalarynyń ókilderi qatysty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Qazaqstannyń avıasııalyq ákimshiligi ushý qaýipsizdiginiń bastyǵy Lında Orledı «Jańa retteýshi álemdegi eń úzdik standarttarǵa sáıkes ushý qaýipsizdigin qamtamasyz etýdi qoldaıtynyn jáne Qazaqstannyń áýe kóligi salasyn damytýǵa yqpal etetin bolady», dep atap ótti.

Búgingi tańda «Shaǵyn» avıasııa TMD jáne batys elderiniń áýe tehnıkalaryn paıdalanatyn 41 áýe kompanııadan turady. Jeńil jáne asa jeńil avıasııanyń qoldanystaǵy áýe kemeleriniń jalpy sany shamamen 500 birlikti quraıdy.  Kompanııalar kólik-baılanys ushýlary, avıahımııalyq jumystar, ormandardy qorǵaý jónindegi orman-avıasııalyq jumystar, halyqqa medısınalyq kómek kórsetý, apattyq-qutqarý ushýlary, izdestirý-qutqarý jumystary, ekskýrsııalyq ushýlar, izdestirý-túsirý ushýlary jáne t. b. avıasııalyq jumys túrlerin oryndaıdy.

Jumys kezdesýi barysynda ushý qaýipsizdiginiń qajetti deńgeıine qol jetkizýge áser etetin negizgi faktorlarǵa basty nazar aýdaryldy, olardyń ishinde shaǵyn avıasııa salasyndaǵy ushý qaýipsizdigin qamtamasyz etýdiń quqyqtyq reglamentteri, ushý jaramdylyǵynyń jaǵdaıy, áýe kemelerin sertıfıkattaý, ushqyshtardy daıyndaý sapasy, qoný alańdarynda qaýipsizdikti qamtamasyz etý,  shaǵyn avıasııa ushýlaryn aeronavıgasııalyq qamtamasyz etý.

Avıasııalyq ákimshilik avıasııalyq oqıǵalar men oqys oqıǵalardyń naqty jaǵdaılaryn usyndy, avıasııalyq oqıǵalardyń sebepterin ýaqtyly anyqtaý jáne joıý qajettiligin atap ótti.

Shaǵyn avıasııada ushý bıiktigin ólsheý fýttyq júıege kóshirýdiń oryndylyǵy ataldy.  Bul ózgeriske ushý qaýipsizdiginiń barlyq aspektilerin uzaq talqylaý, ótpe eshelonynan tómen ushý kezinde qysymnyń durys ornatylmaýmen baılanysty avıasııalyq oqıǵalar men oqys oqıǵalar boıynsha esepterdi taldaý negiz boldy. Áýe qozǵalysyn uıymdastyrý júıesindegi taǵy bir mańyzdy ózgeris áýe keńistiginiń qurylymyn IKAO talaptaryna sáıkes keltirý bolyp tabylady. Sondaı-aq 2020 jyldyń 1 qańtarynan bastap  izdestirý-qutqarý tikushaqtaryn bazalaý pýnktteriniń sany keńeıtildi, bul Qazaqstan Respýblıkasynyń aýmaǵyn tolyqtaı qamtýdy qamtamasyz etedi.

1

Qazaqstannyń avıasııalyq ákimshiligi memlekettik qyzmetterdi kórsetý sapasyn jaqsartý jáne jetildirý  prosesin turaqty júrgizýde. Qazirgi ýaqytta azamattar men zańdy tulǵalarǵa qolaıly bolý úshin memlekettik qyzmetter Qazaqstan Respýblıkasynyń elektrondyq lısenzııalaý júıesi (elicense.kz) arqyly usynylady. Búginde deıin avıasııalyq ákimshilikpen 2088 memlekettik qyzmet kórsetilgen.

Is-shara barysynda azamattyq avıasııadaǵy qaýipsizdik mádenıetin damytý máselelerin talqylaý jáne belsendi pikirtalastar ótti. Qazaqstannyń avıasııalyq ákimshiliginiń bas dırektory Pıter Grıffıts keńestiń mańyzdylyǵy men aýqymdylyǵyn, óz kezeginde avıasııalyq ákimshilik ushý qaýipsizdigin qamtamasyz etý máseleleri boıynsha shaǵyn avıasııaǵa barynsha qoldaý kórsetetinin atap ótti.

Sońǵy jańalyqtar

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar