Parlament • 14 Aqpan, 2020

Májiliste Marat Ospanovqa arnalǵan kitaptyń tusaýkeseri ótti

194 retkórsetildi

Búgin Májiliste Elbasynyń senimdi serigi, belgili memleket jáne qoǵam qaıratkeri, Parlament Májilisiniń alǵashqy Tóraǵasy, 20 jyl buryn dúnıeden ótken Marat Ospanovqa arnalǵan konferensııa aıasynda «Otanǵa adal qyzmet etý» atty kitaptyń tusaýkeseri ótti. Bul týraly Parlament Májilisiniń baspasóz qyzmeti habarlady.

Is-sharaǵa Májilis Tóraǵasy Nurlan Nyǵmatýlın, Parlament depýtattary, qoǵam qaıratkerleri jáne M. Ospanovtyń otbasy, týǵan-týystary jáne jaqyndary qatysty.

-Marat Ospanov týraly estelikter bizdiń Qazaqstanymyzdyń egemendi el atanǵan tarıhı kezeńimen qatar júredi. Sebebi Marat Turdybekuly Tuńǵysh Prezıdentimiz, Elbasy Nursultan Ábishuly Nazarbaevtyń senimdi serigi bola júrip, táýelsizdikke jetý, ony qalyptastyrý jáne damytý jolynda aıanbaı eńbek etti, dedi Nurlan Nyǵmatýlın.

Marat Ospanovtyń mol bilimin, erekshe qabiletin, batyl minezi men úlken saıasat jolynda eńbek etip, otandyq parlamentarızmdi damytýǵa zor úles qosqanyn alǵa tartqan Májilis Tóraǵasy onyń eńbek joly urpaqqa úlgi bolatynyn aıtty.

Marat Ospanov basqarǵan jyldary Parlament jan-jaqty jáne tabysty eńbek etti. Osy jyldarda Parlament 400-den astam zań qabyldady. Sol ýaqytta qabyldanǵan barlyq zańdarda, sonyń ishinde, ekonomıkalyq qujattarda Marat Turdybekulynyń qosqan úlesi zor jáne erekshe. Ol tek zań shyǵarý qyzmetimen aınalysyp qana qoımaı, qoǵamdyq jumysyna da, sonyń ishinde, mádenıet, sport salasyn nyǵaıtýǵa belsene aralasty. Marat Ospanov – búkil ómirin egemen elimizdiń damýyna arnaǵan bilikti saıasatker, isker basshy, qaıratker tulǵa, dedi Palata Spıkeri.

M. Ospanovpen birge jumys istegen áriptesteri men dostarynyń estelikteri, Májiliste uıymdastyrylǵan fotokórme aıasynda ómiriniń jarqyn sátterin beıneleıtin kóptegen fotosýretter onyń joǵary adamgershilik jáne kásibı qasıetterin eske saldy.

Aıta keteıik, Marat Turdybekuly Ospanov (17.09.1949 – 23.01.2000) – Qazaqstan Respýblıkasy Parlament Májilisiniń alǵashqy Tóraǵasy. Tórt shaqyrylym depýtaty: Qazaq KSR-i Joǵary Keńesiniń HII-HIII shaqyrylymy jáne I jáne II shaqyrylymdaǵy Qazaqstan Respýblıkasynyń Parlamenti Májilisiniń depýtaty. Ekonomıka ǵylymdarynyń doktory. Qazaqstan Respýblıkasy Salyq kodeksiniń, Táýelsiz Qazaqstannyń Deklarasııasyn ázirleýge atsalysqan. 2-dárejeli «Barys» ordenimen marapattalǵan. 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar