Ońtústik Qazaqstan • 14 Aqpan, 2020

Shymshahar ákimi Murat Áıtenov qala turǵyndaryna esep berdi

190 retkórsetildi

Shymkenttegi «Túrkistan» saltanat saraıynda qala ákimi Murat Áıtenov qala ákimdigi tarapynan 2019 jyly atqarylǵan jumystar boıynsha jyldyq esep berdi. Esepti jıynda qala ákimi turǵyndarǵa 2020-2022 jyldar aralyǵynda qala aýmaǵynda atqarylatyn birqatar aýqymdy jobalar men jumystar týraly keńinen baıandama jasady.

«Shymkent qalasy TMD elderiniń mádenı astanasy atandy. Bıyl Shymkenttiń 2200 jyldyq mereıtoıy ótedi. Ony IýNESKO-nyń mereıtoılar tizimine engizý týraly usynys berildi. Prezıdent óz Joldaýynda ákimderge halyqty mazalaıtyn problemalardy jedel sheshýdi tapsyrdy.

Osy maqsatta bıznesti qoldaý, jańa jumys oryndaryn ashý boıynsha kóp jumys isteý qajet. Infraqurylym, baspana, bilim jáne medısına, qaýipsizdik salasy da nazardan tys qalmaıdy», dedi qala ákimi.

M.Áıtenov 2019 jyly aýqymdy jumys atqarylyp, maqsatty ındıkatorlarǵa qol jetkizilgenin aıtty.

«О́nerkásip ónimi 2018 jylmen salystyrǵanda 15 paıyzǵa ósti. Aýyl sharýashylyǵy ónimi 6,3 paıyzǵa, jańa turǵyn úıler 19,2 paıyzǵa, al, bólshek saýda 7,1 paıyzǵa kóbeıdi. Respýblıka boıynsha ındýstrıaldy-ınnovasııalyq damý baǵdarlamasy iske asyrylýda. Shymkentte baǵdarlama aıasynda 3 jylda 24 kásiporyn ashyldy. 1300 turaqty jumys orny paıda boldy. Qazir qalada 2 ındýstrııaldy aımaq bar. Biraq, onda bos jer joq. Elektr qýaty jetpeıdi. Gaz qysymy tómen. Bul problemalar óndiristi damytýǵa kedergi keltiredi. Osy maqsatta aldaǵy 3 jylda jańadan 2 ındýstrııaldy aımaq ashylady», dedi shahar basshysy.

Qalada ınjenerlik ınfraqurylym ózekti másele. Qala ákimi onyń birneshe sebebi bar ekenin aıtty. Halyq sany jedel ósýde. Jańadan 41 eldimeken qalaǵa qosyldy. Magıstraldy júıeler joq. Ákim osynyń bárine qaramaı ınfraqurylym barynsha damytylatynyn aıtty.

Atap aıtqanda, joldardyń ótkizý qabiletin kóterý úshin 13 magıstraldy jol qaıta qurylady. 2 úlken jolaıyryq pen 5 kópir salynady. Qonaev dańǵylynyń jalǵasy, A-2 aınalma joly, №1 avtojol, Adyrbekov kóshesin qaıta qurý, Ál-Farabı kóshesiniń jalǵasyn salý josparlanýda.

«Qazir qalanyń soltústik shaǵyn aýdandarynda aýyz sý qubyrynyń qýaty jetispeıdi. Problemany sheshý úshin 3 magıstraldy qubyr salý qajet. Qaladaǵy 81 eldimekenniń 63-i aýyz sýmen tolyq qamtylǵan. 10-y jartylaı. 8 eldi meken tasyp ishedi. Qamtylýy 94,7 paıyz. Bıyl qalalyq bıýdjetten 441 mln. teńge qaraldy. 8 eldimekendi sýmen qamtıtyn 2 magıstraldy qubyr qurylysy bastalady. Qazir merdiger anyqtalýda. Sonymen qatar shetki 5 eldimekendi sýmen qamtıtyn magıstraldy qubyr salynýda. Nátıjesinde sýdy tasyp ishetin 8 eldimekenniń máselesi tolyq sheshiledi.Aldaǵy 3 jyl ishinde jartylaı qamtylǵan 10 eldi mekenniń problemasy da sheshimin tabady. Qalaǵa jetispeıtin 90 shaqyrym magıstraldy sý qubyry da tartylady», - dedi M.Áıtenov.

Kezdesýde turǵyndar ózderin mazalaǵan máseleler boıynsha saýaldaryn qoıdy. Murat Dúısenbekuly turǵyndardyń saýaldaryna tolyq ári jan-jaqty jaýap berýde.

Sondaı-aq, shahar basshysy esepti kezdesý aıaqtalǵannan keıin «Kórme» ortalyǵynda turǵyndardyń máseleleri boıynsha keshke deıin jeke  qabyldaý ótkizetindigin jetkizdi.

 

Shymkent

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar