Qoǵam • 14 Aqpan, 2020

Qazaq balalary Kalıfornııadaǵy ISEF-2020 ǵylymı jobalar konkýrsyna barady

39 retkórsetildi

Búgin Almatyda oqýshylar arasyndaǵy respýblıkalyq ǵylymı jobalar konkýrsy márege jetti.

Qazaqstan Respýblıkasynyń Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy uıytqy bolǵan baıqaýdyń nátıjesinde jeńimpazdardan turatyn elimizdiń qurama komandasy 10-15 mamyr aralyǵynda Anahaım qalasynda (Kalıfornııa shtaty) ótetin jyl saıynǵy ISEF-2020 oqýshylardyń halyqaralyq ǵylymı jobalar konkýrsyna barady.

Konkýrs uıymdastyrýshylary Almaty qalasynyń komandasy, Nazarbaev zııatkerlik mektebi, Pavlodar, Túrkistan, Jambyl, Shyǵys Qazaqstan, Qostanaı oblystary men Almatydaǵy Abaı atyndaǵy Respýblıkalyq  mamandandyrylǵan daryndy balalarǵa arnalǵan qazaq tili men ádebıetin tereńdetip oqytatyn mektep-ınternattyń komandalary ǵylymı jobalaryn jaqsy qorǵap, joǵary nátıje kórsetkenin atady.

Tórt kúnge sozylǵan baıqaý «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý», «Taza tabıǵı orta – Qazaqstan - 2050 strategııasyn iske asyrýdyń negizi», «Qazaqstannyń tarıhı eskertkishteri jáne bolashaq damýy bar saıahat baǵdarlary» baǵyttary boıynsha uıymdastyryldy.

Konkýrstyń ashyqtyǵy men aıqyndylyǵyn qamtamasyz etý maqsatynda barlyq seksııalar onlaın-rejımde ótti. Beıne-kórsetilimderge siltemeler Qazaqstan Respýblıkasynyń BǴM jáne «Daryn» RǴPO-nyń áleýmettik jelilerdegi akkaýnttarynda usynyldy.

Konkýrstyń mektepshilik kezeńine 21 604, ekinshi aýdandyq kezeńinde 7332 oqýshy, oblystyq kezeńine 3381 oqýshy qatysty. Konkýrstyń aqtyq synynda elimizdiń barlyq aımaqtarynan eń úzdik 584 joba usynǵan 737 daryndy oqýshy baq synady.

Konkýrstyń qazylar alqasynyń sheshimimen Qazaqstan Respýblıkasynyń BǴM I dárejeli dıplom  jáne altyn medaldarmen 57 jeńimpaz, II dárejeli dıplom jáne kúmis medaldarmen 103 júldeger, III dárejeli dıplom jáne qola medaldarmen 175 júldeger marapattaldy.

 

ALMATY

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar