Álem • 14 Aqpan, 2020

Djastın Trıýdo: Ottava toby qurylady

56 retkórsetildi

Mıýnhende ótip jatqan Mıýnhen qaýipsizdik konferensııasynda Kanada premer-mınıstri Djastın Trıýdo qaýipsizdik, jahandyq problemalardy sheshý, saýda qatynastaryna jańa ózgerister týrasynda sóz sóıledi.

Kanada úkimet basshysynyń aıtýynsha, eski sheshimder jańa problemalardy sheshýge jaramsyz. «Jahandyq suraqtardy sheshý úshin jeke sektorlardy, azamattyq qoǵamdy, tipti eski seriktesterimizdi de biriktirýimiz kerek. Bul jolda jalǵyzdyń úni shyqpaıtyny anyq. Iаǵnı, problemany sheshý úshin qolaıly jaǵdaı men tyń ıdeıalardy kútip otyratyn ýaqyt joq. Kanada bul joldaǵy jumysyn jalǵastyra bermek», dedi.
Sonymen birge búginde órshı túsken saýda soǵysyn toqtatý maqsatynda Ottava toby qurylatynyn málimdedi. «Kanada osyndaı bastamaǵa bel býyp otyr. Bul toptyń negizgi maqsaty saýda qatynastaryn júıelendirý. Bul saýda soǵystaryn sheshýdiń tıimdi mehanızmderin tabýǵa jol ashady degen oıdamyz», dedi D.Trıýdo.
Sonymen birge álemdik máselelerdi sheshýde sóz bostandyǵynyń mańyzy týraly atap ótti. «Búginde jýrnalıster qamaýǵa alynady. Bul sóz bostandyǵynyń qandaı deńgeıde ekenin kórsetip otyr. Osy oraıda Ulybrıtanııamen birlesip jaǵdaıdy retke keltiretin jańa bastamaǵa bel býyp otyrmyz», dedi premer-mınıstr.
Sonymen qatar klımattyń ózgerýi de sheshýshi máselelerdiń biri ekenin eske saldy. Klımattyń ózgerýi adamzat tirshiligine, ekonomıkaǵa áser etetinin de tilge tıek etti. Djastın Trıýdo Parıj kelisimine qol qoıǵanda bergen sózine berik ekenin aıtyp, sózin túıindedi.

 

Mıýnhen, GERMANIIа

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar