Álem • 14 Aqpan, 2020

Memleket basshysy Ázirbaıjan Respýblıkasynyń Prezıdenti Ilham Álıevpen kezdesti

180 retkórsetildi

Mıýnhen Qaýipsizdik Konferensııasy qarsańynda Memleket basshysy Qasym-Jomart Toqaev Ázirbaıjan Respýblıkasynyń Prezıdenti Ilham Álıevpen kezdesti.

«Sizdi Mıýnhende kórgenime qýanyshtymyn. Biz buǵan deıin Sochıde kezdesken edik. Endi eki el arasyndaǵy baılanysqa keler bolsaq, shynymen úlken ister atqaryldy. Bárin basynan bastaýǵa týra keldi, biraq jaqsy jetistikterge qol jetkizdik. Bul seriktestiktiń negizin Nursultan Nazarbaev pen Geıdar Álıev qalaǵan bolatyn. Men kezinde Syrtqy ister mınıstri retinde onyń kýási boldym, qatystym da. Qazaqstan Ázirbaıjanmen baılanysyn joǵary baǵalaıdy. Aqtaý qalasynda qol qoıylǵan Kaspııdiń quqyqtyq mártebesi týraly Konvensııa úlken áriptestiktiń bastaýy boldy dep senemiz. Osy múmkindikti paıdalana otyryp, sizdi bizdiń elge saparlap kelýge shaqyramyn. Biz talqylaıtyn ári sheshetin kóp suraqtar bar», dedi Qazaqstan Prezıdenti.
Ázirbaıjan Respýblıkasynyń Prezıdenti Ilham Álıev te bıylǵy jyldyń eki el úshin tabysty bolatynyna senetinin aıtty.
«2020 jylǵy jyl da eki eldiń baılanysy úshin tabysty bolady degen senimdemin. Taýar aınalymyn arttyrýdy kózdep otyrmyz, sondaı-aq transport, týrızm salasyndaǵy seriktestiktiń áleýeti zor. Eki el arasynda halyqtarymyzdyń tyǵyz baılanysy ornaǵan», dedi I.Álıev.
Sonymen qatar ol Kaspıı teńiziniń quqyqtyq mártebesi týraly Konvensııaǵa qol qoıylýy mańyzdy oqıǵa ekenin, bul turǵyda Kaspıı jaǵalaýyndaǵy elder úshin tıimdi negiz qalanǵanyn atap ótti.
«Bizdiń baǵytymyz durys. Eki el arasyndaǵy baýyrlastyq baılanys bekemdeı túsedi dep senemiz», - dedi Ázirbaıjan Prezıdenti.

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar