Mınıstr óz sózinde nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn júzege asyrý aıasynda 2019 jyly jumyspen qamtýǵa járdemdesýdiń belsendi sharalarymen 660 myń adam qamtylǵanyn atap ótti. Olardyń 36%-y – jastar, jartysyna jýyǵy áıelder jáne 60%-y aýyl turǵyndary.
«450 myń adam jumysqa, onyń 383 myńy nemese 85%-y turaqty jumys oryndaryna ornalastyryldy. 150 myńnan astam adam oqytyldy, onyń ishinde 75 myń adam bıznes negizderine oqýdan ótti. О́z isin damytý úshin shamamen 18 myń jeńildetilgen mıkrokredıt, 40 myńnan astam memlekettik grant berildi. Bul 18 myń qosymsha jumys ornyn ashýǵa múmkindik berdi. Memleket sýbsıdııalaǵan jumys oryndaryna 140 myń adam jumysqa ornalastyryldy. Soltústik óńirlerge 9 myńnan astam adam qonys aýdardy, onyń 4,5 myńy eńbekke qabiletti jastaǵy adamdar, olardyń basym bóligi jumyspen qamtylǵan, bıznesin damytyp, basqa da qoldaý sharalaryn alyp jatyr», – dedi Birjan Nurymbetov.
Sonymen qatar ol «Eńbek» memlekettik baǵdarlamasyn iske asyrý eńbek naryǵynyń turaqtylyǵyna yqpal etetinin, jumyssyzdyq deńgeıi 4,8% - dy quraıtynyn atap ótti. Eger osy baǵdarlama bolmasa, búgingi tańda jumyssyzdyqtyń deńgeıi 7,9%-dy quraıtyn edi.
«2020 jyly jumyspen qamtýǵa járdemdesý sharalarymen qamtýdy halyqtyń áleýmettik jaǵynan osal toptarynyń ishinen 735 myń adamǵa deıin arttyrýdy josparlap otyrmyz. Biz memlekettik baǵdarlamanyń tetikterin jetildirdik. Endi qysqa merzimdi oqytý jumys berýshilerdiń ótinimderi boıynsha ǵana júrgiziledi. Kópbalaly jáne tabysy az otbasynan shyqqan Memlekettik baǵdarlama qatysýshylaryna 7 jylǵa deıingi merzimge jyldyq 4%-dan aspaıtyn mólsherlememen jeńildetilgen mıkrokredıtter beriletin bolady. Jastardy turaqty jumysqa ornalastyrýdyń «Alǵashqy jumys orny» jáne «Urpaqtar kelisimsharty» jańa tetikteri engizildi», – dedi mınıstr.
Halyqtyń, ásirese jastardyń jumyspen qamtýǵa járdemdesý tetikteri týraly habardarlyǵyn arttyrý úshin halyqty jumyspen qamtý ortalyqtarynyń jumysy «ótinim berý» qaǵıdatynan «proaktıvti» formatqa aýytyrylatyn bolady. Búgingi tańda elimizdiń 8 óńirinde 84 mobıldi ortalyq jumys isteýde.
«Áleýmettik kásipkerlikti damytýdyń, onyń ishinde tabysy az jáne kópbalaly otbasylar arasynda damytýdyń mańyzy zor. 2019 jyly 5 óńirde 204 otbasyn, kópbalaly jáne tabysy az otbasylardy qamtıtyn «Meniń kásibim» jobasyn iske asyrý bastaldy. Aǵymdaǵy jyly «Jasyl ekonomıka» Koalısııasymen birlesken jobany iske asyrýdy josparlap otyrmyz. Servıstik-ótkizý kooperatıvterin qurý úshin jeke aýlalarǵa, onyń ishinde ataýly áleýmettik kómek alýshylarǵa qoldaý kórsetiletin bolady. О́ńirler ákimdikterine áleýmettik kásipkerlikti damytýǵa erekshe nazar aýdarý qajet. Bul halyqtyń áleýmettik osal sanattaryn qoldaý baǵytyna aınalýǵa tıis», – dedi B.Nurymbetov.
