Qoǵam • 17 Aqpan, 2020

Memlekettik qyzmetterdiń 90%-y elektrondyq formatqa kóshiriledi

53 retkórsetildi

Eńbek jáne halyqty áleýmettik qorǵaý mınıstrligi 2020 jyldyń sońyna deıin áleýmettik-eńbek salasyndaǵy memlekettik qyzmetterdiń 90%-yn elektrondyq formatqa kóshirýdi josparlap otyr. Bul týraly 2019 jylǵy jumys qorytyndysy jáne 2020 jylǵa arnalǵan negizgi mindetter boıynsha vedomstvonyń alqa otyrysynda Mınıstr Birjan Nurymbetov málim etti.

Mınıstr búgingi tańda Eńbekmıni áleýmettik-eńbek salasyndaǵy mańyzdy jobalardy iske asyratynyn habarlady.

Birinshisi – «Otbasynyń áleýmettik kartasy», ol Qazaqstan halqynyń 100%-yn, ıaǵnı 7 mıllıon otbasyn qamtıdy. Áleýmettik karta ár otbasynyń qandaı ómirlik jaǵdaıda ekenin kórsetedi, kúrdeli nemese daǵdarysty jaǵdaıdan shyǵý úshin jumys algorıtmin aıqyndaıdy.

«2019 jyldyń shildesinde áleýmettik kartalardy qalyptastyrǵannan keıin kúrdeli jáne daǵdarysty jaǵdaıda bolǵan 101 myń otbasy anyqtaldy. Olarǵa qatysty jumysqa ornalastyrý (12,7 myń), emhanalarǵa (68,8 myń), balabaqshalar men mektepterge (72,9 myń) bekitý boıynsha sharalar qabyldandy. Barlyǵy 150 myńnan astam shara júzege asyryldy. Qyrkúıek aıynda 505 otbasy ómirlik qıyn jaǵdaıdan shyǵaryldy, olarǵa 533 áleýmettik qoldaý sharasy kórsetildi», – dedi Birjan Nurymbetov.

Ekinshi joba – «Qazaqstan azamatynyń áleýmettik ID» áleýmettik járdemaqy alýdyń ashyqtyǵyn, qolaılylyǵyn arttyrýǵa baǵyttalǵan. Áleýmettik ID AÁK tóleýdi, qoǵamdyq kólikte jeńildikpen jol júrýdi, kópbalaly jáne tabysy az otbasylardyń balalarynyń mektepterde tegin tamaqtanýyn tóleýdi kózdeıdi.

Aqtóbe ákimdigimen birlesip ony pılottyq qoldaný 2019 jyldyń shildesinde bastaldy, operatory «Qazposhta» AQ boldy. 5 myńǵa jýyq karta shyǵarylyp, 31 myń tranzaksııa júzege asyryldy.

«Joba Qaraǵandy, Atyraý, Pavlodar oblystarynda jáne Nur-Sultan qalasynda engizilýde. 2020 jyly jobany barlyq oblys ortalyqtaryna taratý qajet», – dep tolyqtyrdy Eńbek mınıstri.

Jumyspen qamtý jáne jumysqa ornalastyrý salasynda «Elektrondyq eńbek bırjasy» (budan ári – EEB) jáne «Elektrondyq eńbek sharttary» jobalary iske asyrylýda.

EEB arqasynda 2 jyl ishinde 1 mln-nan astam adam jumys taba aldy. «Elektrondyq eńbek sharttary» jobasyna 25 myń uıym qosyldy. 1,1 mln elektrondyq shart tirkelgen, bul qyzmetkerlerdiń eńbek quqyqtaryn qorǵaýǵa yqpal etedi.

«Memlekettik qyzmetterdi avtomattandyrý salasynda elektrondyq qyzmetterdiń úlesi 80%-ǵa jetkenin, 2019 jyldyń basynda 42% bolǵanyn atap ótkim keledi. Egov portalynda 6 memlekettik qyzmetti ornalastyrý jáne 10 qyzmetti proaktıvti formatqa kóshirý esebinen ósimge qol jetkizildi. 2020 jyldyń sońyna deıin biz elektrondyq qyzmetterdiń úlesin 90%-ǵa deıin jetkizýdi josparlap otyrmyz», – dep túıindedi Birjan Nurymbetov.

Búgingi tańda áleýmettik jáne eńbek salasyndaǵy 40 memlekettik qyzmettiń 18-i elektrondyq, 14-i proaktıvti jáne 10-y kompozıtti túrde kórsetiledi.

Mysaly, «Altyn alqa», «Kúmis alqa» alqalarymen marapattalǵan kópbalaly analarǵa beriletin járdemaqy nemese múgedektigi boıynsha memlekettik járdemaqy, bala týý jáne 1 jasqa deıingi bala kútimi boıynsha járdemaqylar ótinishsiz nemese proaktıvti túrde taǵaıyndalady. Bir ótinish boıynsha barlyq zeınetaqy tólemderi kompozıtti túrde taǵaıyndalady.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar