Ekonomıka • 17 Aqpan, 2020

Taýarlar, jumystar men qyzmetterdi satyp alýdaǵy jergilikti qamtý úlesi 3,2% artty

98 retkórsetildi

Jergilikti qamtý boıynsha monıtorıng sheńberinde memlekettik organdar, ulttyq kompanııalar men holdıngter, jer qoınaýyn paıdalanýshylar sııaqty barlyq monıtorıng sýbektileriniń taýarlardy, jumystar men qyzmetterdi satyp alýynyń jalpy kólemi 2019 jyldyń 9 aıynda 13 559,4 mlrd teńgeni qurady. Onyń ishinde jergilikti qamtý úlesi - 7 117,7 mlrd teńge nemese 52,5% teń. О́tken jyldyń tıtisti kezeńimen salystyrǵanda jalpy kólemi 1 283,8 mlrd teńgege, al jergilikti qamtý úlesi 3,2%  ósti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Jergilikti qamtý baǵytyndaǵy óńirler reıtıngisine júrgizilgen taldaýǵa sáıkes Almaty oblysy (59,6 %), Almaty qalasy (47,7 %), Soltústik Qazaqstan oblysy (47,6 %) jáne Nur-Sultan qalasy (43,3%) alda keledi.

Qazaqstandyq qamtýdy damytý baǵdarlamasy jańa óndiristerdiń ósýin yntalandyrýǵa, bilim men tehnologııalar transfertin jandandyrýǵa, jańa jumys oryndaryn ashýǵa baǵyttalǵan. Baǵdarlamany iske asyrý ınfraqurylymdyq ózgeristerge, jumyspen qamtý deńgeıin jáne otandyq mamandar quzyretin arttyrýǵa múmkindik beredi. Jergilikti qamtý úlesin arttyrý jáne otandyq óndirýshilerdi damytý maqsatynda QR Indýstrııa jáne ınfraquryldymdyq damý mınıstrligi birqatar shara qabyldady. Atap aıtqanda, Eýrazııalyq ekonomıkalyq odaq týraly shart sheńberinde otandyq óndiristiń avtomobılderin, transformatorlary men kabel jelilerin memlekettik satyp alýdy júzege asyrý kezinde 2 jyl merzimge ulttyq rejimnen alyp tastaý belgilengen. Jergilikti atqarýshy organdar úshin jeńil, jıhaz ónerkásibi men qurylys materıaldaryn memlekettik satyp alýdaǵy jergilikti qamtý boıynsha nysanaly ındıkatorlar belgilendi. Jeńil jáne jıhaz ónerkásibi taýarlary 2019 jylǵy 1 shildesinen bastap memlekettik satyp alýlar aldyn ala biliktilik suryptaýmen konkýrs tásilimen ótkiziletin taýarlar, jumystar men qyzmetter tizbesine engizilgen. Bul rette áleýetti ónim berýshiler úshin Indýstrııalyq sertıfıkatyn usyný talaby mindetti.

«Atameken» ulttyq kásipkerlik palatasymen birlesip 2019 jylǵy satyp alý taldaýynyń qorytyndysy boıynsha jeńil ónerkásiptegi jergilikti qamtý úlesi-47%, jıhazda - 56%, qurylys materıaldary óndirisinde - 50% qurady.

Sonymen qatar, shartty shyǵarýǵa jol berilmeıtin ónim tizbesi keńeıtildi. Oǵan mashına jasaý, jeńil jáne jıhaz ónerkásibi, qurylys materıaldary engizilgen.

Kólik quralyn (jeńil avtomobıl) satyp alý úshin Úlgilik konkýrstyq jáne aýksıondyq qujattama bekitildi.

Sonymen qatar, ishki naryqty qorǵaý, otandyq taýar óndirýshilerdi qoldaý jáne jeńil ónerkásip, jıhaz salasy men sement ónimderi salasynda óndiris kólemin ulǵaıtý maqsatynda jeńil, jıhaz ónerkásibi men qurylys materıaldarynyń jekelegen taýarlaryn 2 jyl merzimge memlekettik satyp alýdy júzege asyrý kezinde ulttyq rejımnen alyp tastaý boıynsha jumys júrgizilip jatyr. Bul shara memlekettik satyp alýǵa qatysýǵa ımporttyq óndiristiń birqatar ónimin (shulyq, kıiz aıaq kıim, keńselik jıhaz jáne sementter) jiberýdi shekteýge múmkindik beredi.

Sońǵy jańalyqtar

Uqsas jańalyqtar