Abaı • 18 Aqpan, 2020

О́ner akademııasy Abaı mereıtoıyn atap ótti

142 retkórsetildi

​Bıyl elimiz úshin, onyń ishinde mádenıet pen óner salasynyń ókilderi úshin mańyzdy jyl.

О́ıtkeni, Uly kemeńger Abaı Qunanbaıulynyń 175 jyldyǵyn, Ál Farabıdyń 1150 jyldyǵyn jáne Altyn Ordanyń 750 jyldyǵyn joǵary deńgeıde atap ótý mejesi tur.

Osyǵan oraı, T.Q.Júrgenov atyndaǵy Qazaq ulttyq óner akademııasy Uly aqyn, kompozıtor, fılosof, aǵartýshy Abaı Qunanbaıulynyń 175 jyldyq mereıtoıyna arnalǵan ádebı-sazdy kesh ótkizdi. «Men bir jumbaq adammyn ony da oıla...» atty rýhanı kesh tolyǵymen Abaı ómiri men shyǵarmashylyǵyna arnalǵan. Onda kemeńgerdiń osyǵan deıin kóp aıtylmaǵan ánderi tyńdarmanǵa usynyldy. Shyǵarmalary dáriptelip, kompozısııalar oryndaldy.

1

Sahnalyq kórinister qoıylyp, Uly oıshyldyń ósıetteri aıtyldy. Sáken Maıǵazıev, Tolqyn Zabırova, Ramazan Stamǵazıev, Nurjan Janpeıisov, Aıgúl Qosanova, Erlan Bilál syndy oqý ordasynyń ustazdary men men stýdentteri óz ónerip ortaǵa saldy.

«Biz tek óner adamy emepiz, elimizdiń bolashaǵy – jastardy óner men bilimge qatar baýlyp júrgen býynbyz.Sol sebepti, Abaı ómiri men shyǵarmashylyǵy árbir talapty jastyń, janashyr úlkenniń aınymas serigine aınalýy kerek. Bul keshtiń osy, ortaq múddeni oryndaýda, kemeńger murasyna tereń úńilip, bolashaq urpaqqa úlgi-ónege berý jolynda mańyzy zor», - degen T.Q. Júrgenov atyndaǵy Qazaq ulttyq óner akademııasynyń rektory Aqan Abdýalıev budan keıin de aǵartýshynyń mereıtoıyna arnalǵan is-sharalar jalǵasa beretinin aıtty.

Aıta keteıik, 17 aqpanda ótken mereıtoılyq konsertke myńǵa jýyq kórermen jınaldy.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar