Rýhanııat • 19 Aqpan, 2020

Jańa zań jaǵdaıdy jaqsartady

34 retkórsetildi

Memleket basshysy Qasym-Jomart Toqaevtyń tamyz kon­ferensııasynda ber­gen tapsyrmasy aıasynda aldaǵy tórt jyl ishinde pe­dagog­ter­diń jalaqysy eki esege artady. Osylaısha 2020 jylǵy qań­tardan bas­tap pedagogtiń jalaqysy 25%-ǵa artyp otyr. Al qa­byl­danǵan «Pe­da­gog már­tebesi týraly» zańǵa sáıkes synyp jetekshiligi, dáp­terlerdi jáne jazbasha ju­mys­tardy teksergeni úshin qosymsha aqy mól­she­rin eki ese arttyrý qa­ras­ty­rylǵan.

Bilim jáne ǵylym mı­nıs­tri Ashat Aımaǵam­bet­ov­tiń sózine qa­raǵanda, keıbir mu­ǵalim­der esep bólimi tarapynan jalaqy asy­ry­lyp ne bolmasa kem beri­le­di dep jatady. «Osy oraıda, pedagogterdiń jalaqysyn esep­teý máselesi ózekti bolyp otyr. Bul rette oblystyq bilim bas­qarmalary men aýdandyq bilim bólimderiniń basshylaryna sáıkesinshe tapsyrmalar berildi. Ustazdar ózderine tıesili jalaqyny durys alýlary kerek», dedi A.Aımaǵambetov.

Dırektorlar jalaqysy artady

2019 jylǵy 31 jeltoqsanda Memle­ket basshysy Q.Toqaev «Pedagog márte­be­si týraly» zań­ǵa qol qoıǵan bola­tyn. 2020 jyl­dan bastap zańdy iske asy­rý kezeńine kóshý bastaldy. Jal­­py zańnamalyq qujat 21 bap­tan turady. Qujat jarty mıl­­lıonnan astam peda­gog­tiń múd­desin qamtamasyz etedi. Zań nor­malary mektepke deıingi, orta, kásiptik jáne tehnıkalyq bilim berý, qosymsha bilim be­rý, mamandandyrylǵan, arna­ıy bilim berý uıymdarynyń, ádis­te­melik kabınetterdiń pedagogterine qatysty.

­Osy oraıda soltústik jáne ortalyq óńirlerde dırektorlar men olardyń orynbasarlary tapshy ekeni belgili bolyp otyr. «Dırektorlar úshin jaı ǵana muǵalim bolyp istegen yń­ǵaıly. Dırektorlardyń jaýap­­kershiligi joǵary jáne qaǵaz­bas­tylyq kóp, balalarmen ju­­mys isteý deńgeıi de ózgeshe. Bar má­­sele – yntalandyrýda, ıaǵnı dı­rek­tor­­lardyń aılyǵy mu­ǵa­limderdiń aı­ly­ǵynan tómen. Bul rette jalaqyny 2 esege art­ty­rý dırektorlar men olar­dyń oryn­basarlaryna da qa­tys­ty bol­maq. Endigi kezekte dı­rektor­lar óz sheber­likterine baı­lanys­ty sanattarǵa bóli­nip, óz jalaqylaryn 2 esege, ıaǵnı 100 pa­ıyzǵa arttyrý múmkindigine ıe. Dı­rek­torlardy da qoldaıtyn bolamyz», deı­di vedomstvo basshysy.

Bolashaq pedagogter úshin shekti ball joǵarylaıdy

Búgingi tańda eń úzdik mektep tú­lek­te­ri­niń arasynda muǵa­lim maman­dy­ǵy aıtarlyqtaı su­ranysqa ıe emes. Osy ret­te ta­lapkerler tarapynan peda­go­gı­ka­lyq baǵyttar sırek tań­da­la­dy.

«Elimiz boıynsha muǵalim tap­shylyǵy 5 myń adamdy qu­raı­dy. Búgingi tańda 145 myń stý­dent pedagog ma­man­dyq­tary boıynsha oqıdy. Jyl saıyn pedagogıkalyq baǵyt­taǵy jo­­ǵary oqý oryndaryn 40 myń túlek tá­mam­daǵanmen, pedagog tap­­shy­lyǵy saq­ta­lyp otyr. Nege? Bi­rin­­shiden, tú­lekter mek­tep­ke jumys is­teý­­ge barǵylary kel­meı­di, ekinshiden yn­tal­an­­dy­rý tómen», dedi Ashat Aıma­ǵam­betov.

Vedomstvo basshysynyń aı­týyn­­sha, talapkerlerdi pedago­gı­ka­lyq ma­mandyqtarǵa tartý úshin byltyr mı­nıs­tr­lik bir­qa­tar naqty sharalar qabyl­da­dy. Máselen, 2019 jyly peda­go­gıkalyq ma­mandyqtarǵa túsý úshin shekti ball 60 balǵa deıin ósti (buryn 50 baldan kem emes bo­latyn). Endigi kezekte 2020 jyly shek­ti baldy 70 balǵa deıin art­tyrý jos­parlanýda.

 

 

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Uqsas jańalyqtar