Qoǵam • 19 Aqpan, 2020

Ýhannan evakýasııalanǵany úshin rahmet aıtty

55 retkórsetildi

Sońǵy ýaqytta el ishinde «koronavırýs» degen indetiniń ataýy keńinen tarady. Keıbiri alańdap, keıbir elder amaldap áreket etýde. Úmit pen úreıdiń, kúdik pen kúmánniń arpalysyp jatqan sáti deýge bolady. Adamdar jótelgenge shoshyp, túshkirgenge úrkip qaraıtyn boldy. Degenmen «Qudaıdyń buıryǵynsyz qýraı da synbaıtynyn» eskersek, álem jurtyn áýrege salǵan álgi indettiń ajalsyz adamdy aınalyp ótetini aıqyn. Qudaı qutqarar dep qur jatýǵa da bolmas. Saqtyq sharalaryna salǵyrt qaramaı, medısına mamandarynyń pikirine meılinshe qulaq túrgen abzal. Ýhannan shyqqan vırýsqa tolymsyz derektermen ton pishkender de barshylyq. Al kózben kórip kelgender ne deıdi?!

 

Infeksııalyq aýrýlardyń jetekshi mamany, professor Dınagúl Baeshevanyń aıtýynsha, koronovırýs Qazaqstanda tirkelgen joq. Degenmen álemde qaýipti jaǵdaı áli saqtalyp otyr.

«Qytaıda qazir 70 myńnan astam adam osy aýrýǵa shaldyqqan. Biraq medısınalyq sharalardyń nátıjesinde aýyrǵan adamdar sany azaıýda. Bul árıne qýantatyn jaǵdaı. Sonymen qatar Dúnıejúzilik densaýlyq saqtaý uıymy indetke qarsy qandaı sharalar jasaý kerek ekenin de eskertip jatyr. Koronovırýsqa qarsy qoldanylatyn vaksına dál qazir joq. Biraq vaksınanyń negizi qandaı bolý kerek ekeni tabylyp, geneologııalyq jáne genetıkalyq qurylymy zerttelýde. Qytaılyqtar osy aýrýǵa qarsy dári oılap tapty degen jaqsy jańalyq estidik, jaqyn arada jaǵdaı durystalady dep úmittenemiz. Qytaıdan oralǵan qazaqs­tan­dyqtar Nur-Sultan qalasyndaǵy kóp sa­laly aýrýhanada tolyq tekserýden ótti. Karantın kezeńi aıaqtalǵannan keıin aýrý­hanadan shyǵaryldy. Olardan korona­vı­rýstyq ınfeksııa belgileri tabylmady. Sonymen qatar Japonııa jaǵalaýynda tur­ǵan krýızdik laınerdegi Qazaqstan aza­mat­tarynyń densaýlyǵy jaqsy. Dene qyzýy­nyń kóterilýi, mazasyzdyq, aýrýdyń basqa da belgileri ázirge baıqalǵan joq. Den­saýlyq saqtaý mınıstrligi kún saıyn máli­met alyp otyr. Oqshaýlaý merzimi birer kúnde aıaqtalady, saraptama alynady. Sodan keıin ǵana olardy elge qaıtarý máselesi bel­gi­li bolady», dedi ol.

Qytaıdan oralǵan qazaqstandyqtar Nur-Sultan qalasyndaǵy kóp salaly aýrý­ha­nada tolyq tekserýden ótip, karan­tın kezeńi aıaqtalǵannan keıin aýrýhana­dan shyǵarylǵany belgili. Olardan koro­navırýstyq ınfeksııa belgileri tabylmady. Ýhan qalasynan oralǵan stýdentterdiń aıtýynsha, sýpermarketter men azyq-túlik bólimderinde túsirilgen, eldi dúrliktirip áleýmettik jelide keń taraǵan vıdeolar Qytaı jańa jylyn toılaý sátinde bolǵan.

«Internette shyǵyp jatqan vıdeolardyń barlyǵy eski jáne osy oqıǵaǵa esh qatysy joq aqparat. Biz gıgıenany qatań ustandyq. Dalada maskamen júrsek, úıge kirisimen birden qolymyzdy jýyp, dezınfeksııa jasadyq. О́zime kelsem, alǵashynda túsin­bedim, «qalaı vırýs keldi?» dep. Ýnıver­sıtett­en, Úkimetten arnaıy habarlama kelgen kezde ǵana bildim», deıdi stýdent Dáýren Ýrı­shanov.

Al Hýbeı provınsııasynyń Ýhan qalasynda doktarantýranyń 2-kýrsynda bilim alyp jatqan stýdent Gúlbaqyt Bolatbekqyzy Qytaı jańa jylynyń aldynda, 22 qańtar kúni «Ýhan qalasyn karantınge jabamyz» degen habarlama kelip túskenin aıtady.

«Biz Ýhan qalasynda 2 jyldan asa turyp jatqandyqtan jaǵdaıdy jaqsy bilemiz. Qytaı jańa jylynyń aldynda azyq-túlikti toltyryp alyp qoıý qajet ekenin bildik. Sebebi qytaılyqtar únemi artyǵymen alyp qoıady jáne sýpermarketter tańǵy 9:00-den 16:00-ge deıin ǵana qyzmet kórsetedi. Iаǵnı merekege baılanys­ty jarty kún ǵana jumys isteıdi. Sóıtip bizge 22 qańtar kúni «qala jabyldy» dep habarlady. Barlyq transporttyq joldar jabyldy. Áýejaı men vokzaldar jumys istemedi. Tótenshe jaǵdaı jarııalandy. Bizde azyq-túlik, aýyz sý jetkilikti boldy. Jáne maskalar taratyp berdi. Eger tamaǵymyz, azyq-túlik qorymyz taýsylsa, keste bo­ıynsha eki stýdentten kezektesip, dúkenge baryp alyp kelip júrdik», dedi Gúlbaqyt Bolatbekqyzy.

Esterińizge sala ketsek, Qytaıdyń Ýhan qalasynan 2 aqpanda evakýa­sııa­lanǵan qazaqstandyqtar 16 aqpan kúni karantınnen shyǵarylǵanyn habar­laǵanbyz. Stýdentterdiń bári din aman, vırýs juqtyrmaǵan. Olar jatqan kóp salaly medısınalyq ortalyqtyń dırektory Muhtar Tóleýtaevtyń aıtýynsha, 89 adamnyń 83-i qazaqstandyq, 5 Belarýs azamaty jáne bireýi Armenııa azamaty bolǵan. Birneshe adamda jedel respıratorlyq vırýstyq ınfeksııa bolǵan, olar emdelgen. Karantınnen shyǵarylǵan stýdentter Almaty, Aqtóbe, Aqtaý jáne Shyǵys Qazaqstan, Soltústik Qazaqstan, Túrkistan oblystarynyń tur­ǵyn­dary. Olar 14 kún Nur-Sultannan
7 shaqyrym jerdegi medısınalyq ortalyq­tyń arnaıy bólingen ınfeksııaǵa qarsy korpýsynda tekserilip, emdelip shyqty.

Densaýlyq saqtaý mınıstrliginiń málimetinshe QHR-men shekaralas memleketterden kelgen azamattarǵa monıtorıng jalǵasýda.

Máselen, 2020 jylǵy 6 qańtardan 18 aqpanǵa deıin elimizge 31 476 adam kelgen. 6 qańtar – 18 aqpan aralyǵynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarlyq-karan­tın­dik pýnktteriniń mamandary halyq­aralyq áýejaılarda jáne temir jol vokzaldarynda Qytaımen shekaralas memleketter arqyly ótkizý pýnktterinde 31 476 adamdy qarap-teksergen.

«Monıtorıngke barlyǵy 24 416 kelgender alyndy, 23 757 qamtyldy, monıtorıngten 22842 shyǵaryldy, sońǵy 14 kúnde kelgen 1574 adam medısınalyq baqylaýda qaldy jáne aýrýhanaǵa jatqyzylǵandar – 308 adam. Búginge deıin JRVI belgilerimen 160 adam kópshilikten oqshaýlanyp, emdeýge jatqyzyldy, olardyń 153-i shyǵa­ryl­dy, stasıonarlarda medısınalyq baqylaýda 7 adam qaldy. Úsh avıareıspen Ýhan qalasynan jáne Beıjiń qalasynan Qazaqstan Res­pýblıkasynyń barlyq azamattary shyǵa­ryldy. Barlyq COVID-19 zertteý nátı­je­leri teris», delingen mınıstrliktiń máli­me­tinde.

 

Sońǵy jańalyqtar

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Uqsas jańalyqtar