Abaı • 19 Aqpan, 2020

Abaı rýhy – Almaty tórinde

83 retkórsetildi

Bıylǵy jyl – elimiz úshin, onyń ishinde mádenıet pen óner salasynyń ókilderi úshin mańyzdy jyl. Uly kemeńger Abaı Qunanbaıulynyń 175 jyldyǵyn, ál Farabıdiń 1150 jyldyǵyn jáne Altyn Ordanyń 750 jyldyǵyn joǵary deńgeıde atap ótý mádenıet salasynyń maıtalmandary úshin mańyzdy mindet. Aıtýly datalarǵa baılanysty óńirlerde aýqymdy sharalar bastalyp ta ketken. Sonyń biri – T.Júrgenov atyndaǵy Qazaq ulttyq óner akademııasy uıymdastyrǵan «Men bir jumbaq adammyn ony da oıla...» atty ádebı-sazdy kesh.

 

Rýhanı is-shara tolyǵy­men Abaı ómiri men shy­ǵar­­­mashylyǵyna arnal­ǵanymen erekshe deýge bolady. Onda uly oıshyldyń osyǵan deıin kóp aıtylmaǵan ánderi tyń­darmanǵa jol tartyp, aqyn shyǵarmalary jan-jaqty dá­riptelgen.

Sahnalyq kórinistermen sheber jymdasqan sátti kompozısııalar dana aqynnyń ósıetterin ózgeshe órnektegen. Bul jerde kórermen tarapy­nan ystyq yqylasqa bó­lengen erekshe keshke eli­miz­­­diń mańdaıaldy óner jul­­dyzdary at salysqanyn aıta ketken jón. Sáken Maı­ǵazıev, Tolqyn Zabırova, Ra­mazan Stamǵazıev, Nurjan Janpeıisov, Aıgúl Qosanova, Erlan Bilál syndy atalǵan oqý ordasynyń ustazdary men men stýdentteri óz ónerlerin ortaǵa sala otyryp, kemeńger tulǵa kelbetin bolashaq jas­tarǵa keremet nasıhattaı bildi.

«Biz tek óner adamy emes­piz, elimizdiń bolashaǵy – jastardy óner men bilimge qatar baýlyp júrgen býynbyz. Sol sebepti Abaı ómiri men shyǵarmashylyǵy árbir talapty jastyń, janashyr úlkenniń aınymas serigine aınalýy kerek. Bul keshtiń ortaq múddeni oryndaýda, kemeńger murasyna tereń úńilip, bolashaq urpaqqa úlgi-ónege berý jolynda mańyzy zor», degen T.Júrgenov atyn­daǵy Qazaq ulttyq óner aka­demııasynyń rektory Aqan Ábdýálıev budan keıin de aǵar­týshynyń mereıtoıyna arnalǵan is-sharalar jalǵasa beretinin aıtty. Sharaǵa qa­ty­syp, kórermen qata­rynda tamasha keshtiń kýási bolǵandar da jyly lebizderin jasyryp qalmady. Talǵar aýdany, «Tóńkeris» aýylynyń turǵyny, ustaz Gúlshara Mu­sabaeva, ásirese jastar úshin mundaı keshterdiń ma­ńyzy zor ekenin jetkizdi. «Abaı – boıymyzdaǵy artyq­shylyqty da, kemshilikti de qolmen us­tatqandaı etip kórsetip ketken danyshpan. Tek sodan tálim alsaq bolǵany. Sonyń úlgisin ózimizge baǵyt etip alyp, bolashaǵymyzǵa baǵdar qylsaq, adaspasymyz anyq. Osyndaı ádebı keshterden, qoıylymdardan bilgenimiz bekı túsedi», deıdi ulaǵatty ustaz.

Joǵaryda aıtyp ketke­nimizdeı, atalǵan is-sharaǵa T.Júrgenov atyndaǵy Qazaq ulttyq óner akademııasynyń oqytýshylary bir kisideı ju­mylǵan. «О́zimiz jastardy tárbıelep, baǵyt-baǵdar berip otyrǵan óner ordasy bolǵannan keıin, bul kesh­tiń aýqymy da, taǵylymy da keń boldy dep oılaımyn. О́ıt­keni Abaıdyń beınesin somdap júr­gen, Abaıdyń án­derin ha­lyqqa jetkizip, óleńderin oqyp, qara sózi­men sýsyndap júrgen óner­­paz­dardy bir sahnada bi­riktirip, kórermenge úlken rý­hanı azyq syıladyq dep oılaımyn. Ásirese jas býyn, stýdentter úshin uly oıshyldy ulyqtaýǵa arnalǵan keshte ónerin ortaǵa salýy arqyly, olardy ónermen tár­bıeleı alamyz der edim», deıdi akademııa oqytýshysy, akter E.Bilál.

Túıip aıtqanda, uly aqy­nyn ulaǵattaýda biregeı bilim ordasynyń bul qadamyn hakim muralaryna degen zor qurmet dep túsindik. Jalpy, mereıtoılyq konsertke myńǵa jýyq kórermen jınaldy.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar