Aımaqtar • 19 Aqpan, 2020

Alısa – Arqa tósinde

30 retkórsetildi

Aǵylshynnyń ataqty jazýshysy Lıýıs Kerroll jazǵan «Alısa ǵajaıyptar elinde» atty kitabynyń jaryq kórgenine bıyl 160 jyl toldy. Osy oqıǵaǵa baılanysty Temirtaý qalalyq tarıhı-ólketaný murajaıynda arnaıy kórme uıymdastyryldy.

Nege Temirtaýda ótti degenge kel­­­­­­sek, bul mádenı sharanyń ótýine osy qalanyń tur­­­­ǵy­ny, jazýshynyń shy­ǵar­ma­shy­ly­ǵyna tabyný­shy Tatıa­na Ro­mashıhına birden bir sebepker bolǵan eken. Iаǵ­nı, mundaǵy bar­lyq eksponat­tar onyń jeke kolleksııa qo­ry­nan alynǵan.

Temirtaý qalalyq tarıhı-ólke­taný murajaıynyń qyz­metkerleri Tatıana Romashı­hınanyń úıinde mol kolleksııa baryn onyń anasynan estip bilipti.

– Tatıana Romashıhına mek­tepte muǵalim bolyp eńbek etedi. Ol óziniń oqýshylaryn biz­diń murajaıǵa jıi ákelip tu­rady. Biz oǵan kórme uıym­dastyrsaq degen nıeti­mizdi aıtqanymyzda, ol bir­den qup­tap, óz kolleksııa­syn usy­nýǵa kelisimin berdi, – deıdi Temir­taý qalalyq tarıhı-ólketaný murajaıynyń aǵa ǵylymı qyz­metkeri Svetlana Tresheva.

Tatıana Romashıhına ataq­­­ty ertegi jelisimen kol­leksııa jınaýdy osydan on jyl buryn bastaǵan eken. Onyń qolyndaǵy jádiger­ler arasynda kóptegen qyz­ǵylyqty kitap bar. Mysaly, mun­daǵy túrli-tústi, kór­kem ıl­lıýs­trasııa­lar­men­ be­zen­diril­gen, orys tilin­de­ ja­zyl­ǵan sırek basylymdar men aǵylshyn tilindegi jasyryn «tere­ze­le­ri» bar kitaptar kisi­ni ózi­ne qy­zyqtyra túsedi. Al Tatıa­nanyń ózi eń qundy jádigerler retinde ki­­taptyń Aýstralııada ótken 150 jyl­dyq mereıtoıyna dep arnaıy shyǵarylǵan kúmis medal  men ertegi jelisi boıynsha be­zen­diril­gen sırek ústel sa­ǵat­taryn ataıdy.

Tatıana Romashıhına – on saý­­saǵynan óner tamǵan sheber adam. Onyń óz qolymen dekýpaj tehnıkasy boıynsha qalpyna keltirilgen jıhazdar, súıikti týyn­dysynyń jelisi boıynsha oryndalǵan kes­te jáne kartınalar da kelý­shi­lerdiń úlken qyzyǵý­shylyǵyn týdyrdy.

Kórmeni uıymdastyrý­shy­lar mundaı mádenı shara­nyń óskeleń urpaq  ókil­de­riniń ki­tap oqýǵa degen qul­shynysyn art­tyrady degen senimde.

 

Qaraǵandy oblysy

 

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar