Aımaqtar • 19 Aqpan, 2020

О́ner mýzeıindegi ózgeshe kórmeler

24 retkórsetildi

«Rahman qaınary» shıpajaıynyń aýmaǵynda tabıǵat aıasynda sýret saldy.

Sońǵy jyldary Shyǵys Qazaqstan óner mýzeıinde atqarylǵan jumystar legi az emes. «Uly dalanyń palıtrasy» halyqaralyq plener-kórmesi, ART-zaman jobasy, «Jastar shyǵarmashylyǵy» oblystyq beıneleý óneriniń baıqaýy, hákim Abaıdyń 175 jyldyq mereıtoıyna arnalǵan mádenı sharalar - osy óner oshaǵynda júzege asyrylyp keledi. Bul týraly bizge mýzeı dırektory Bekaıym Uıabaeva aıtyp berdi. 

 «Uly dala palıtrasy»

– Byltyr 3-14 maýsym aralyǵynda oblysta «Uly dala palıtrasy» halyqaralyq plener-kórmesi ótkizildi. Bul shara aımaq basshysy Danıal Ahmetovtyń bastamasymen «Rýhanı jańǵyrý» baǵdarlamasy, «Uly dalanyń jeti qyry» maqalasy aıasynda jáne Jastar jylyna oraı ótkizildi. Kórmege Reseı, Germanııa, Fransııa, Túrkııa, Qyrǵyzstan, Grýzııa, Lıtva, Ázirbaıjan, О́zbekstan elderinen jáne respýblıkanyń ár túkpirinen 20 tanymal sýretshi keldi. Kórmeniń ereksheligi, qylqalam sheberleri Shyǵystyń eń kórkem jerleriniń biri – Katonqaraǵaı ulttyq saıabaǵyndaǵy «Rahman qaınary» shıpajaıynyń aýmaǵynda tabıǵat aıasynda sýret saldy, - deıdi Bekaıym Uıabaeva.

Onyń aıtýynsha, oblysta halyqaralyq deńgeıde birinshi ret ótkizilip otyrǵan kórmeniń maqsaty – sheteldik jáne qazaqstandyq sýretshilerdiń arasynda shyǵarmashylyq baılanys ornatý. Aıta keteıik, byltyr 13 maýsymda Shyǵys Qazaqstan óner mýzeıinde «Uly dala palıtrasy» halyqaralyq sýretshiler pleneriniń júzge tarta etıýdteriniń qorytyndy kórmesi ashyldy. Kórme О́ner mýzeıiniń tórt zalyna qoıyldy.

– Qylqalam sheberleri «Jastar» saıabaǵynda kolledj jáne óner mektebiniń oqýshylaryna arnalǵan sheberlik sabaqtaryn ótkizdi. Sonymen qatar munda Jastar jyly aıasyndaǵy «ART-Jastar» jobasyna qatysýshylardyń jumystaryn tamashalady. «Jastar Arbaty» jumys istedi. Plener-kórmeniń arqasynda mýzeı qory jańa týyndylarmen tolyqty,  – deıdi mýzeı dırektory.

                                                                   Sýretshi kózimen

2019 jyldyń 15 qańtarynda mýzeı qabyrǵasynda «ART-Jastar» kórmesi ashyldy. Alýan túrli boıaýlarmen órnektelgen týyndylar qazaq halqynyń ata dástúrinen syr shertip turǵandaı.

– «ART-Jastar» kórmesine jıyrma bes týyndy qoıyldy. Kórmeden zamanaýı, kórkemdik mektepterdiń stıldik erekshelikterin kóre alamyz. Nıkolaı Dolbılkın 1958 jyly «Sylaqshy qyz» beınesin saldy. Qaısan Qadyrbekov, Aleksandr Mahnonyń týyndylary Qazaqstannyń 19 ǵasyrdaǵy kezeńin beıneleıdi. «Qyz qýý», «Qoshtasý» qaıta qurý zamanynan beri óńirde shynaıylyq beınelemeden erekshelenetin naǵyz avangard paıda boldy. Oǵan dálel – Bolat Isın jáne Iýrıı Negodaevtiń jumystary. Táýelsizdik zamanynyń sýretshileri erkindik deńgeıimen, tústerdi qabyldaýdaǵy ózgeshe júıelerimen, qazaq halqynyń ulttyq dástúrlerine kóńil bólýimen erekshelenedi, – deıdi ol.

Kórmeler tek oblys kólemimen ǵana shektelip qalmaıdy eken. Byltyr Pavlodar oblystyq kórkemsýret mýzeıinde jyljymaly kórme uıymdastyrylypty.

– Kórmege qazaqstandyq sýretshilerdiń 30-ǵa jýyq keskindeme, grafıka, jáne gobelen tehnıkasynda salynǵan týyndylary qoıyldy. Mundaı mádenı sharalardyń eki mýzeıge de bereri mol. Tájirıbe almasýymyzǵa zor múmkindik týdyryp otyr. Joba tek uly sýretshilerdiń týyndylaryna ǵana arnalǵan joq. Jergilikti qylqalam sheberlerin de qamtıdy. О́ner ataýly jalpyǵa ortaq bolǵandyqtan ondaǵy qundylyqtar da barshamyzǵa ortaq,  – deıdi ol.

Bir qýantarlyǵy, mýzeı basshylyǵynyń qoldaýymen óner ıeleri О́ner mýzeıiniń nazarynan tys qalmaýda. Bulaı deıtinimiz, 2019 jyly sýretshi Maǵaýııa Amanjolovtyń, aǵash óńdeý sheberi Qalıbek Aınajarovtyń taǵy basqa óner ıeleriniń jeke kórmeleri uıymdastyryldy. Bul úrdis bıyl da jalǵasyn tappaq. Oblystyq Mádenıet jáne qujattama basqarmasy men О́ner mýzeıiniń qolǵa alýymen «ART-jastar» jobasy aıasyndaǵy oblystyq «Jastar shyǵarmashylyǵy» baıqaýy da ótkizilgen. Kórmege 53 avtordyń 111 shyǵarmashylyq jumysy qoıyldy. Taǵy bir aıta ketetini, jyr padıshasy Farıza Ońǵarsynova men qarymdy qalamger Ábish Kekilbaevtyń 80 jyldyq mereıtoıyna oraı «Asyl jan, Abyz aǵa» atty ádebı sazdy kesh ótti.  

                                                                        Abaı álemi

О́ner mýzeıi úshin osy jyldyń aýqymdy sharalarynyń biri – hákim Abaıdyń 175 jyldyǵyna oraı «Ǵasyrlardy toǵystyrǵan danalyq» atty  kórmeniń ashylýy boldy. Mýzeı dırektorynyń sózinshe, bul kórmeni uıymdastyrýdaǵy maqsat – Abaı Qunanbaıulynyń shyǵarmashylyǵyn nasıhattaý, uly aqyn álemin beıneleý óneri arqyly dáripteý. Mýzeıdiń 2 zalyna jalpy sany 21 kartına qoıylǵan. Belgili bolǵandaı, kórme naýryz aıynyń ortasyna deıin jalǵasady. – Bıyl Abaı Qunanbaıulynyń mereıtoıyna oraı «Biz tanyǵan Abaı» atty halyqaralyq plener kórmesin uıymdastyrýdy josparlap otyrmyz. On sýretshi - shet memleketten, ony óz elimizdiń qylqalam sheberleri. Sonymen birge sharaǵa foto sýretshiler de qatysady. Sýretter arqyly biz aqynnyń týǵan jeriniń qudiretin álem elderine kórsete alamyz, – deıdi mýzeı dırektory.

Qosa ketetini, О́ner mýzeıi halyqaralyq plener kórmesi aıasynda «Eń úzdik volentıor» atty baıqaý uıymdastyrýdy josparlap otyr.

– Baıqaýdyń maqsaty – jastardy mádenıet salasyna baýlý. Saıystyń sharty boıynsha 18-50 aralyǵyndaǵy qatysýshylar sýretshilermen birge júrip, Abaı álemin qazaq, aǵylshyn, orys tilderinde tanystyrady. Sonymen qatar, mamyr aıynda «Atyraý kúnderi» kórmesin  ótkizýdi josparlap otyrmyz, – deıdi ol.

Naýryz aıynda uly aqynnyń shyǵarmashylyǵyna arnalǵan sýret kórmesi ashylmaqshy. Shara «Jańǵyrý» birlestigimen birlese ótkizilmek.

Iá, osyndaı mádenı oshaqta ulylarymyz ulyqtalyp, ónerimiz órkendep jatsa nege qýanbasqa?! Búginde О́ner mýzeıi danalarymyzdy dáripteýdi mektep qabyrǵasynan bastap ketken. Sondyqtan bolar, kıeli ordaǵa keletin kórermenderdiń deni jastar. Atalmysh mekeme áldeqashan turǵyndardyń rýhanı ordasyna aınalyp úlgeredi.

 

Taýnar QAIRAT

О́SKEMEN

Sońǵy jańalyqtar

Bir bolaıyq, irgemiz sógilmesin!

Qoǵam • Búgin, 08:12

Ǵasyrdan da uzaq kún

Tarıh • Búgin, 08:09

Jaýyngerlik daıarlyqqa nuqsan kelmeıdi

Rýhanııat • Búgin, 08:07

Aldyn alý sharalary kúsheıtildi

Qoǵam • Búgin, 08:05

«Mahabbat ánin gúlderge jazamyn...»

Rýhanııat • Búgin, 08:01

Kórkemdik sarapshysy

Tanym • Búgin, 07:59

Qarýdy qalamǵa aıyrbastap...

Rýhanııat • Búgin, 07:56

Kıeli mekenderdi kórgińiz kelse

Tanym • Búgin, 07:51

Taýteke sanyn qalaı kóbeıtemiz?

Rýhanııat • Búgin, 07:36

Qurmashev jasaǵan qosymsha

Tehnologııa • Búgin, 07:32

Syn saǵatta súringen joq

Aımaqtar • Búgin, 07:29

108 myń oqýshy qashyqtan oqıdy

Aımaqtar • Búgin, 07:26

Muǵalimder de aldyńǵy shepte júr

Qoǵam • Búgin, 07:23

Eki sportshymyz aldyńǵy lekte

Rýhanııat • Búgin, 07:20

Qarǵyn sý: qamdanǵan qapy qalmaıdy

Ekologııa • Búgin, 07:19

Jylyna – 100 myń tonna bolat qubyr

Ekonomıka • Búgin, 07:11

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar