Abaı • 19 Aqpan, 2020

Danyshpan toıyna bir tamshy úles

103 retkórsetildi

Bul án burynǵy ánnen ózgerek degendeı,  Aqtóbede Abaıdyń týǵanyna 175 jyl tolý qurmetine ótkizilgen konsert janrlyq baǵdarlamasy jáne sıntezdik tutastyǵymen kórermenderdi baýrap aldy. Dana Abaıdyń óleńmen birge kúı de shyǵarǵanyn ekiniń biri bile bermeýi múmkin. Aıryqsha konsert aqynnyń «Tory jorǵa» kúıimen bastalýy da  óner keshiniń taqyryptyq máni men mazmunyn ashyp bergendeı áser qaldyrdy.

Budan keıin jalǵasqan «Uly dala júırigi» atty  aıtys konsertte Abaı muralary HHI  ǵasyrdyń ıgiligine de qyzmet jasaı beretindigi jóninde ádemi oı-túıinder jasaldy. Bul turǵyda atyraýlyq aqyn Shalqarbaı Izbasarov pen aqtóbelik jyr súleıi Marat Ahmetovtyń tolǵaýǵa tatyrlyqtaı oıly shýmaqtary kórermenderdiń  kóńilinen shyqqany anyq baıqaldy.

Danyshpan aqyn: Qulaqtan kirip boıdy alar, Ásem án men tátti kúı. Kóńilge túrli oı salar, Ándi súıseń menshe súı dep tógildire jyrlaǵan emes pe edi. Aqtóbe oblysynyń fılarmonııasy uıymdastyrǵan konsertte ásem án de, tátti  kúı de, tipti buǵan qosa myń buralǵan bı de bir-birimen almasyp qulaqtardyń quryshyn qandyra tústi. Ahmet Jubanovtyń kishi  otanynda  dombyra qulaǵynda sheber oınaı alatyn jasóspirimder de osy aıtys-konsertte óz ónerlerin kórsetti.                                                                   Sondaı-aq, dombyramen tartylyp júrgen Qurmanǵazynyń «Adaı»,  «Balbyraýyn» jáne « Baıjuma» kúılerin syrnaı tartysqa túsirip, tartqan kezde de kórermenderdiń delebesi qozyp dúrkin-dúrkin qol shapalaqtap otyrdy. Birinen-biri sheberligi asa túsken óner saıysynda  ulttyq rýhymyzdyń jalaýy bıikke  kóterile túskendeı sát edi bul.

Halyqtyń ejelgi mýzyka aspaptarynyń biri urmaly aspap daýylpaz desek, onyń jaýyngerlik rýh pen joǵary pafosqa  toly kúmbirlegen úni de júrekterdi  shymyrlata túskendeı áser qaldyrdy. Daýylpazshylar Nursultan Jetpisbaev pen Meıirbek Mádenovter ejelgi urmaly aspapty kezektese urǵanda zal ishi teńizdeı terbelip ketti. Mine, osylaısha  Abaı atamyzdyń  mereıli datasyna arnalǵan ásem ánderdi dástúrli ánshiler Gúlnazıra Saǵynǵanova men Ádilet Kúzembaev jáne Nurlan Ábdibekov pen Dınara Shynarbaevalar áýeletip alyp ketti. Kesh sońynda fılarmonııa dırektory  Elýbaı Kenjalıev Abaıdyń 175 jyldyǵyna oraı uıymdastyrylǵan Aqtóbedegi aıryqsha konsert osy mereıli dataǵa qosylǵan bir tamshy úles ekenin atap kórsetti.

AQTО́BE

Sýrette: Aıtys-konsertten kórinis

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar