Bul turǵyda pedagogıkalyq-psıhologııalyq turǵydaǵy túzeý kabınetteriniń tıgizer kómegi men paıdasy mol ekeni haq. Bul baǵyttaǵy arnaýly oqý oryndary oblystyń barlyq aýdandarynda qyzmet jasaıdy. Aqtóbe oblysynyń ákimi Ońdasyn Orazalınniń paıymdaýynsha mundaı kabınetter , aıryqsha balalarǵa arnalǵan bilim berý ıntegrasııasy sheńberindegi basty ári mańyzdy quraldardyń biri.
О́ńirde derbes jumys jasaýdy qajet etetin áleýmettik róli joǵary, kedergisiz aýmaqtardy qurý isine júreginniń jylýy mol jandar men qaıyrymdylyq qorlary da qol ushyn sozyp otyr. Osy oraıda Aqtóbe qalasynda qos birdeı psıhologııalyq-pedagogıkalyq túzeý kabınetin ashýǵa «Dara» qory uıytqy bola bilgeni bir mereı.
«Ár alýan, biraq teń: Qazaqstanda ınklıýzıvti qoǵamdy qurý» jobasy aıasynda ashylǵan arnaýly kabınetterdiń iske qosylýy bul turǵyda jergilikti atqarýshy organdarǵa túsip otyrǵan salmaq pen júktemeni azaıtýǵa septigin tıgizgeni anyq. Mundaı ıgi iske jumyla bilgenderdiń qatarynda «EastTardeSolutons» JShS-da bar ekenin aıta ketý paryz. Endeshe osyndaı qaıyrymy men saýaby mol istiń basy-qasynda júrgen Gúlnar Dosanova men Rahmet Darmeshtiń bastamalary qandaı qurmetke de laıyqty bolsa kerek.
Atalǵan túzeý kabınetterine «Dara» qory qarajatynyń esebinen búgingi zamanǵa saı arnaıy jabdyqtar men qondyrǵylar satyp alynǵan. Buǵan qosa 2019 jyldyń aqpan aıynda ashylǵan keıingi túzeý kabınetine kúrdeli jóndeý júrgizilip, erekshe balalardyń tutyný qajettiligine qaraı oraılastyrylǵan. Munda emdeý-dene shynyqtyrý sabaǵyna arnalǵan jınaq, Montessorı bólmesi, sóıleý men estý qabiletin damytýǵa arnalǵan kompıýterlik baǵdarlama jumys isteıdi. Sonymen qatar balamaly baılanys tásilderi, dıdaktıkalyq jáne kórneki materıaldar bar.
-Munda bilikti mamandardyń balalarmen jeke jáne toptyq sabaqtar júrgizýine barlyq jaǵdaılar týǵyzylǵan. Keshendi sharalarmen shuǵyldanatyn komandanyń qatarynda psıhologtar men pedagog-defektologtar, jáne logopedter bar, - dedi bul jóninde Aqtóbe oblystyq bilim basqarmasynyń bólim basshysy Qaırat Aldamjarov.
Aqtóbe qalasynda keıinnen ashylǵan pedagogıkalyq-psıhologııalyq túzeý kabıneti erekshe bilim berýdi qajetsinetin 150 balaǵa arnalǵan. Bul mólsher múmkin aýyz toltyryp aıtýǵa turarlyqtaı bıik meje de bolmas. Áıtse de osy arqyly Aqtóbede ınklıýzıvti qoǵam qurý sheńberinde taǵy bir laıyqty qadam jasaldy deýge tolyq negiz bar.
AQTО́BE
