Qoǵam • 19 Aqpan, 2020

Qaıyrymdylyq – qasterli qasıet

22 retkórsetildi

Otandyq kásipkerler áleýmettik salaǵa erekshe den qoıyp otyr. Bıznes ókilderi demeýshilik, qaıyrymdylyq jasaýdan kende emes. Sondaı-aq múmkindigi shekteýli jandardy jumyspen qamtý arqyly olardyń san alýan máselelerin sheshýge de qolǵabys jasap júrgen kásipkerler de barshylyq.

Solardyń biri Kókshetaýdaǵy tamaq ónerkásibi salasyndaǵy seriktestik qolǵa alǵan estý-sóıleý qabileti nashar jandarǵa arnalǵan ıgilikti joba. Qýanyshbek Alpamysovtyń aspaz  bolyp istegenine 8 jyl. Ol bul mamandyqty kókshetaýlyq kásipkerdiń qolǵa alǵan jobasy aıasynda meńgerdi. Qazir dámi til úıirer tamaqtyń túr-túrin ázirleıdi.   

– Árıne, basynda qıyn boldy. Áriptestermen jazý arqyly sóılesetinbiz. Barlyǵy qoldaý kórsetti. Túsinistikpen qarady. Qazir úırenip kettik. Bárimiz birdeımiz. Júkteme de teń. Ujym jaqsy. Maǵan unaıdy. Jalaqym da kóńilimnen shyǵady, deıdi aspazshy Qýanyshbek Alpamysov.  

Joba boıynsha estý-sóıleý qabileti nashar jandar seriktestikte aspazdyqtyń qyr-syryn úırenedi. Keıin ózderi qalap jatsa, áli qaraı jumys isteı beredi.  Sondaı-aq, Kókshetaýdaǵy kolledjde tegin bilim alý múmkindigi bar.

– Bul joba maǵan senimdilik berdi. Qoǵamda erkin beıimdelýime septigin tıgizdi. Qazir aspazshy emespin. Degenmen bul joba meniń ómirimdi ózgertti. Ári qaraı oqýǵa qulshynys paıda boldy. О́mirlik serigimmen de osy joba aıasynda tabystyq, deıdi jobaǵa qatysýshy Dmıtrıı Salnıkov.

Seriktestik júzege asyryp otyrǵan joba boıynsha osy ýaqytqa deıin 45 adam oqý kýrsynan ótken. Onyń 12-si osy ujymda jumys isteýde. Qalǵandary basqa qalalarda, ózge uıymdarda eńbek etip júr. Izgilikti jobanyń avtory Elena Mashınskaıa oqımyn, úırenemin degenderdiń birde-biriniń betin qaıtarǵan emes.  

– Áleýmettik kásipkerlik qaıyrymdylyq emes. Bul úlken jaýapkershilik. Múmkindigi shekteýli jandardy jumysqa bar yntańmen alý qajet. Keıin olardyń jetistikterin, júzderindegi qýanyshty, jumystyń nátıjesin kórý sózben aıtyp jetkize almaıtyn baqyt. Qoryqpaý kerek. Sebibi áleýmettik kásipkerlik qazirgi qoǵamǵa qajet, deıdi jeke kásipker Elena Mashınskaıa.   

Bul jobamen sheteldikter de tanys. Birneshe eldiń aspazshylar qaýymdastyǵy ózderinde osyndaı ıgi isti qolǵa almaq nıette. Al Kókshetaýdaǵy joba jalǵasa bermek.

 

Kókshetaý qalasy

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar