Parlament • 19 Aqpan, 2020

Májilis jumysyn kópbalaly otbasylardy áleýmettik qoldaý týraly qujatpen bastady

309 retkórsetildi

Búgin Palata Spıkeri Nurlan Nyǵmatýlınniń tóraǵalyǵymen Májilistiń jalpy otyrysy ótti. Onda birqatar ratıfıkasııalyq zań jobalary maquldandy. Bul týraly Parlament Májilisiniń baspasóz qyzmeti habarlady.

Májilis kólik quraly pasportynyń jáne ózdiginen júretin mashına jáne tehnıkanyń basqa da túrleri pasportynyń biryńǵaı nysandaryn engizý jáne elektrondyq pasporttar júıelerin uıymdastyrý týraly kelisimge Armenııanyń qosylýy týraly hattamany ratıfıkasııalaý týraly zań jobasyn qaraý barysynda ózekti máselelerdi kóterdi.

Kólik quraldarynyń elektrondyq pasporttaryn engizý týraly qoldanystaǵy kelisim 2014 jyly qabyldanǵan jáne 2015 jyly Qazaqstan ratıfıkasııalaǵan.

Hattamamen Armenııa Kelisimge qosylyp, elektrondyq pasporttar júıesin engizý boıynsha mindettemelerdi ózine alady. Kelisim Eýrazııalyq ekonomıkalyq odaq memleketteriniń aýmaǵynda shyǵarylǵan jáne tirkeýge jatatyn kólik quraldaryna jáne tehnıkanyń basqa da túrlerine beriletin pasporttyń biryńǵaı nysandaryn, onyń ishinde elektrondyq nysandaryn qoldaný úshin jaǵdaı jasaýǵa yqpal etedi.

Eýrazııalyq ekonomıkalyq komıssııa alqasy bul júıeni 2019 jyldyń 1 qarashasynan bastap EAEO aýmaǵynda engizýge sheshim qabyldady. Alaıda, 2015 jyldan beri tórt jyl ýaqyt ótse de, elektrondy kólik quraldarynyń tólqujattar júıesi áli engizilgen joq.

Osyǵan oraı, bul EAEO-ta avtokólik satyp alatyn árbir azamatqa qatysty ekenin atap ótken Májilis Tóraǵasy Nurlan Nyǵmatýlın EAEO elderimen derekter almasýdyń jedel ári tolyq bolýy biz úshin óte mańyzdy ekenin atap ótti.

Palata Spıkeri bul ishki ister organdary júrgizetin ýaqtyly tirkeýge, Memlekettik kirister komıtetiniń organdaryna salyq salýǵa múmkindikter beretinin, atalǵan máselelerdi sheshýge ýákilettik berilgen memlekettik qyzmetshilerdiń jumysyna nazar aýdardy.

Sonymen qatar otyrysta depýtattar tarapynan qoldaý tapqan Qazaqstan men AQSh arasyndaǵy konsýldyq artyqshylyqtar men ımmýnıtetter týraly kelisimdi ratıfıkasııalaý týraly zań jobasy. Onyń maqsaty - konsýldyq mekemelerdi, laýazymdy adamdar men qyzmetshiler jáne olardyń otbasy múshelerin qorǵaýdy kúsheıtý bolyp tabylady.

Kelisimge sáıkes taraptar konsýldyq laýazymdy adamdary men olardyń otbasy múshelerine dıplomatııalyq qatynastar týraly Vena konvensııasyna sáıkes dıplomatııalyq agentterge jáne dıplomatııalyq agenttiń otbasy múshelerine beriletin artyqshylyqtar men ımmýnıtetterge, balamaly artyqshylyqtar men ımmýnıtetter beredi.

Sondaı-aq konsýldyq mekemelerdiń úı-jaılary men múlki, onyń ishinde kólik quraldary da dıplomatııalyq qatynastar týraly Vena konvensııasynyń 22-babyna sáıkes dıplomatııalyq ókildikter sııaqty qorǵalady. Jalpy otyrysta Qazaqstan men О́zbekstan arasyndaǵy eńbekshi kóship-qonýshylardyń quqyqtaryn qorǵaý týraly zań jobasy maquldandy.

Kelisim Qazaqstannyń Eńbek jáne halyqty áleýmettik qorǵaý men О́zbekstannyń Jumyspen qamtý jáne eńbek qatynastary mınıstrlikteri arasynda azamattardy jumysqa ornalastyrý máseleleri, onyń ishinde eki el azamattary úshin bos oryndar boıynsha ózara is-qımyl jasaýdy jáne ózekti aqparat almasýdy kózdeıdi.

Sonymen qatar búgin Májilistiń salalyq komıtetteri ana men balany qorǵaý jáne aýdıtorlyq qyzmet máseleleri týraly zań jobalaryn jumysqa aldy.

Sońǵy jańalyqtar

Uqsas jańalyqtar