Úkimet • 19 Aqpan, 2020

2020-2022 jyldary Qazaqstanda jas ǵalymdardy granttyq qarjylandyrýǵa 9 mlrd teńge bólinedi

56 retkórsetildi

Premer-Mınıstr Asqar Mamınniń tóraǵalyǵymen Qazaqstan Respýblıkasynyń Úkimetiniń janyndaǵy Joǵarǵy ǵylymı-tehnıkalyq komıssııa (JǴTK) otyrysy ótti. Bul týraly Premer-Mınıstrdiń baspasóz qyzmeti habarlady.

Ǵylymdy damytýdaǵy basymdyqty baǵyttar men 2020-2022 jyldary jas ǵalymdardyń ǵylymı zertteýlerin granttyq qarjylandyrý kólemin bólý týraly Qazaqstan Respýblıkasynyń Bilim jáne ǵylym mınıstri A. Aımaǵambetov, atom energetıkasy salasyndaǵy tehnologııalyq sıpattaǵy qoldanbaly ǵylymı zertteýler týraly Qazaqstan Respýblıkasynyń energetıka mınıstri N. Noǵaev baıandady. 

2020-2022 jyldary jas ǵalymdardyń ǵylymı zertteýlerin granttyq qarjylandyrýdyń jalpy kólemi 9 mlrd teńgeni quraıtyn bolady (jyl saıyn 3 mlrd teńgeden). 

Qazirgi kezde memlekettik ǵylymı-tehnıkalyq jáne ekonomıkalyq saraptamalar nátıjesi boıynsha ulttyq ǵylymı keńester kelesi 7 basymdyqty baǵyt boıynsha jas ǵalymdardyń 1013 ótinimin iriktep aldy: 

  • energetıka jáne mashına jasaý (102);

  • tabıǵı resýrstardy, onyń ishinde sý resýrstaryn, geologııany, qaıta óńdeýdi, jańa materıaldar men tehnologııalardy, qaýipsiz buıymdar men konstrýksııalardy utymdy paıdalaný (313);

  • jaratylystaný ǵylymdary salasyndaǵy ǵylymı zertteýler, aqparattyq, telekommýnıkasııalyq jáne ǵaryshtyq tehnologııalar (167);

  • agroónerkásiptik keshendi turaqty damytý jáne aýyl sharýashylyǵy ónmderiniń qaýipsizdigi (139);

  • ómir jáne densaýlyq týraly ǵylym (127);

  • «Máńgilik El» ǵylymı negizderi (XXI ǵasyr bilimi, gýmanıtarlyq ǵylymdar salasyndaǵy irgeli jáne qoldanbaly zertteýler, 155);

  • ulttyq qaýipsizdik jáne qorǵanys (10).

JǴTK «Jaratylystaný ǵylymdary salasyndaǵy ǵylymı zertteýlerdi» jeke basym baǵyt retinde bólýdi bekitti, bul Qazaqstannyń qazirgi ǵylymı mektepterin odan ári nyǵaıtý men damytýǵa, osy saladaǵy ǵalymdardyń jańa býynyn qalyptastyrýǵa yqpal etýge baǵyttalǵan.

 

Sońǵy jańalyqtar

Uqsas jańalyqtar