Álem • 20 Aqpan, 2020

О́zbekstan Prezıdenti Túrkııa Respýblıkasyna resmı saparmen bardy

35 retkórsetildi

Keshe О́zbekstan Prezıdenti Shavkat Mırzııoev Túrkııa Respýblıkasyna resmı saparmen bardy. Bul týraly О́zbekstan Memleket basshysynyń baspasóz qyzmeti habarlady.

Túrkııa astanasy Ankaraǵa kelgen О́zbekstan Prezıdentin Redjep Taıyp Erdogan Prezıdent saraıynda qarsy aldy. О́zbek eli basshysynyń sapary 20 aqpanǵa deıin jalǵasady.

Eki eldiń kóshbasshylary Túrkııa-О́zbekstan joǵary deńgeıdegi strategııalyq yntymaqtastyq keńesiniń birinshi otyrysyna qatysady. Prezıdentter saıası, saýda-ekonomıkalyq, ınvestısııalyq, qarjylyq, kólik-kommýnıkasııalyq, bilim berý, mádenı-gýmanıtarlyq salalardaǵy ózara is-qımyldy keńeıtý máselelerin talqylaıdy.

Sondaı-aq Mırzııoevtiń Túrkııanyń kásipkerlik orta ókilderimen kezdesýi jáne Túrkııa Prezıdenti Ákimshiligi janyndaǵy Ulttyq kitaphananyń saltanatty ashylý rásimine qatysý josparlanǵan.

Shavkat Mırzııoevtiń Túrkııaǵa buǵan deıingi sapary 2017 jyldyń qazan aıynyń sońynda, al Redjep Erdoǵan О́zbekstan Respýblıkasyna 2018 jyldyń sáýirinde bolǵan edi.

Aıta ketý kerek, О́zbekstan Respýblıkasy 2019 jyly 15 qazanda Bakýde ótken Túrki Keńesiniń 7-sammıtinde atalǵan uıymnyń tolyqqandy múshesi boldy.

Sońǵy jańalyqtar

Uqsas jańalyqtar