Qazaqstan • 20 Aqpan, 2020

Harkovta Qazaqstannyń Qurmetti konsýldyǵy ashyldy

22 ret kórsetildi

Harkov qalasynda (Ýkraına) Harkov, Poltava jáne Sýmy oblystaryn qamtıtyn Qazaqstan Respýblıkasynyń Qurmetti konsýldyǵynyń saltanatty ashylý rásimi ótti. Bul týraly Syrtqy ister mınıstrliginiń baspasóz qyzmeti habarlady. 

Mekemeniń basshysy bolyp - Harkov kásipkeri, aımaqtaǵy úlken tájirıbesi bar belgili zańger jáne mesenat Emın Nadjaflı taǵaıyndaldy.

Qazaqstannyń Ýkraınadaǵy Elshisi Samat Ordabaev óz sózinde Qurmetti konsýldyqtyń qazaqstan-ýkraındyq qatynastardyń barlyq salalaryndaǵy ózara yntymaqtastyqty damytýdaǵy mańyzdy rólin atap ótti. Qazaqstannyń múddelerin ilgeriletý, elder arasyndaǵy saýda-ekonomıkalyq yntymaqtastyqty damytý, sondaı-aq elimizdiń azamattary men zańdy tulǵalarynyń quqyqtary men múddelerin qorǵaý máselelerine erekshe nazar aýdaryldy.

Aıta ketý kerek, Ýkraınanyń shyǵys aımaǵynyń qýatty ekonomıkalyq, ǵylymı jáne mádenı áleýeti bar. Aımaqta hımııa, otyn-energetıka, tamaq jáne jeńil ónerkásip, mashına jasaý, qurylys materıaldary óndirisi damyǵan. Sonymen qatar, Harkov, Poltava jáne Sýmy oblystarynda agroónerkásip kesheni óte qarqyndy damýda.

Is-sharaǵa Harkov oblystyq ákimshiliginiń, Harkov qalasynyń basshylyǵy, Harkov oblystyq keńesiniń depýtattary, dıplomatııalyq korpýstyń, aımaqtyń isker toptarynyń ókilderi, Harkovtaǵy qazaq dıasporasy, BAQ jáne basqalar qatysty.

Sońǵy jańalyqtar

Alystan jetken alǵys

Aımaqtar • Búgin, 14:10

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar