«Birneshe mınýt buryn Densaýlyq saqtaý mınıstri mekeme mamandarynyń baıandamasyna súıene otyryp, Kýmda koronavırýs juqtyrdy degen kúdigi bar eki adamnyń saraptamasy oń nátıje kórsetkenin málim etti», - dep jazdy ol Twitter paraqshasynda.
«О́kinishke qaraı, koronavırýs anyqtalǵan egde jastaǵy eki adam jan tapsyrdy», dep habarlady Djahanpýr. Buǵan deıin Irannyń Densaýlyq saqtaý mınıstri eki adamnyń koronavırýs juqtyrǵanyn rastaǵan bolatyn. Bul aqparatty ırandyq úkimet ókili Alıı Rabıı de rastady.
Bul Irandaǵy alǵashqy koronavırýs juqtyrý oqıǵalary. Eki adam qaza tapqan Kýmda beısenbi kúni mektepterdegi sabaq toqtatyldy.
19 aqpan kúngi sońǵy málimetter boıynsha Qytaıda jańa koronavırýstan qaıtys bolǵandar sany eki myń adamnan asty.
19 aqpandaǵy sońǵy málimetterge sáıkes, 2019-nCoV koronavırýstyń jańa túrimen týyndaǵan pnevmonııamen aýyratyndardyń sany 74 myń adamnan asty, 2004 adam qaıtys boldy. Infeksııa aýrýlary tek Qytaıda ǵana emes, Japonııa, Ońtústik Koreıa, Vetnam, AQSh, Sıngapýr, Fransııa, Malaızııa, Nepal, Ýkraına jáne basqa elderde tirkelgen.
