Uıymdastyrýshylar qazirgi kúni shaı álemdegi sýdan keıin eń tanymal jáne kóp qoldanylatyn sýsyn túri retinde túrik ashanasynyń jáne mádenıetiniń ajyramaıtyn bólshegine aınalǵanyn aıtady. Túrkııa álem boıynsha shaı óndiriýde tórtinshi, al tutynýda alǵashqy (kisi basyna 3,5 kg) oryndy ıelenedi. Sondaı-aq qazirgi kúni Túrkııada shamamen 1 mıllıon adam shaı óndirisi naryǵynda eńbek etedi eken.
Túrik shaıy – tropıkalyq aımaqtarda óspeıtin álemdegi jalǵyz shaı túri. Túrkııada shaı negizinen Rıze men Trabzon oblystarynda ósedi. Álemde kontınenttik aýa raıynda shaı ósirý dástúri tek qana Túrkııada kezdesedi. Arnaıy kerneýi jińishke shyny ydyspen ishiletin túrik shaıy eki qabattan turatyn sháınekte demdeledi.
Túrik shaıynyń gastronomııada alatyn erekshe ornyna baılanysty túrik tilinde óte kóp turaqty tirkester men maqal-mátelder paıda bolǵan. Qazaq tilindegi ábden demdelgen qyzyl kúreń shaıǵa túrikshede «qoıan qany tústes shaı» deıdi.
Túrik sháı ishý dástúriniń erekshelikteri men mádenıetin kórsetetin shara 28 aqpan kúni saǵ. 12:00-de ótedi.
