Kásipqoı boks • 21 Aqpan, 2020

Joldama úshin judyryqtasady

9 retkórsetildi

Naýryz aıynyń alǵashqy aptasynda Iordanııanyń bas shahary – Ammanda bokstan Tokıo Olımpıadasyna joldama beretin Azııa jáne Tynyq Muhıt aımaǵy elderiniń irikteý týrnıri ótedi. Osydan birer kún buryn bokstan ulttyq quramanyń bas jattyqtyrýshysy Ǵalymbek Kenjebaev Olımpıada jol­damasyna talasatyn sportshylardyń esimin atady. Bir qyzyǵy, bas bapker­diń tizimine álem jáne Azııa chempıonatynda top jarǵan tájirıbeli boks­shylar enbeı qalǵan.

 

Aldymen, irikteý týrnırine baratyn, bas bapkerdiń nazaryna ilikken boksshylardy tanystyryp óteıik. Amman sharshy alańynda lısenzııa úshin jeńil salmaqta 2019 jylǵy Qazaqstan chempıonatynyń kúmis jáne el ishilik spartakıadanyń jeńimpazy, sondaı-aq byltyr Re­seıde ótken álem chempıonatynyń qo­la júl­degeri Sáken Bıbosynov (52 kg) ju­dyryqtasady. 2016 jyly Rıo Olım­pıadasyna qazaqstandyqtardan bul salmaqta Oljas Sáttibaev dál osy týr­nırde joldama alǵan bolatyn.

57 kılo salmaqta irikteý jarysyna jankúıerler quramanyń nómir birin­shi boksshysy, 2017 jylǵy álem chempıonatynyń bas júldesin jeńip alǵan Qaırat Erálıev baratynyna senimdi bolǵan. Alaıda bas bapker bul jolǵy jarysta 22 jastaǵy boksshy Serik Temirjanovty synap kórgisi kelgen eken. Degenmen sońǵy ýaqytta Erálıevtiń óneri bapkerlerdiń kóńilinen shyqpaı júrgenge uqsaıdy. О́ıtkeni álem chempıonatynda tájirıbeli boks­shymyz shırek fınalda ózbek boksshysynan jeńilip, eki jyl burynǵy ataǵyn qorǵaı almady. Al jas ta bolsa birqatar halyqaralyq týrnırde jeńiske jetken S.Temirjanov «Astana arlandary» sapynda judyryqtasyp, biraz tájirıbe jınaqtaǵan.

63 kılo salmaqta Azııa chempıona­tynyń kúmis júldegeri Zákir Safıýl­lınge senim artyldy. Sondaı-aq bul Zákir úshin Olımpııa oıyndaryna ba­rýǵa sońǵy múmkindik. О́ıtkeni 34 jas­taǵy boks­shy kelesi Olımpıadaǵa deıin qolǵabyn shegege iletini anyq. Negizi Safıýllın 2016 jyly Rıo Olım­­pıadasyna irikteý jarysyna baryp, joldama alǵan bolatyn. Alaıda sol kezde AIBA Pro Boxing jobasynda jeńimpaz atanǵan Berik Ábdirahmanov Zákirden buryn joldama alǵan soń, Rıoǵa Ábdirahmanov bardy.

«Qazaqtyń salmaǵy» atanyp ketken 69 kıloda álem chempıonatynyń eki dúrkin qola júldegeri Abylaıhan Júsipov judyryqtasatyn boldy. Dál qazirgi ýaqytta Júsipov óz salmaǵynda quramanyń nómir birinshi boksshysy sanalady. 2018 jyly Aqtaýda ót­ken el chempıonatynyń fınalynda óziniń negizgi qarsylasy Aslanbek Shym­bergenovti aıqyn basymdyqpen jeń­gen edi. Bul Abylaıhan Júsipovtiń Olım­pııa oıyndaryna baratyn ekinshi múm­kindigi.

75 kıloda bapker tańdaýy jaraqa­tynan aıyǵyp, ulttyq quramaǵa oralǵan Ábilhan Amanqulǵa túsken. Álem chempıonaty jáne Azııa oıyndarynyń kúmis júldegeri byltyr negizgi jarystarǵa qatysqan joq. Onyń ornyna barǵan Tursynbaı Qulahmet Taılandta ótken Azııa birinshiliginde qarsylas shaq keltirmese, Reseıde uıymdastyrylǵan álem­dik dodada jartylaı fınalǵa deıin jetken-di. Bapkerler quramy Amman­daǵy básekede Amanqulǵa senim artqan soń, Qulahmet óz kezegin kútpesten bir­den kásipqoı bokstyń esigin ashty.

81 kıloda 2019 jylǵy álem chempıony Bekzat Nurdáýletovke senim artatyn bolamyz. Reseıdegi álem chempıonatynda kýbalyq qara marjandy eseńgiretken mańǵystaýlyq óren quramanyń sózsiz birinshi nómiri atandy. Al 91 kıloda Rıo Olımpıadasynyń kúmis júldegeri Vasılıı Levıt pen asa aýyr salmaqta qurama kapıtany, álem chempıonatynyń eki márte kúmis júldegeri Qamshybek Qońqabaev joldamaǵa talasady. Bul salmaqtarda atalǵan eki boksshyǵa ázirshe laıyqty qarsylas joq. 

Iordanııadaǵy týrnırde boks­shylarǵa 63 joldama beriledi. Mysaly, 52, 57 jáne 60 kılo salmaqtaǵy boks­shy­larǵa 6 joldama, ıaǵnı jartylaı fınal­ǵa shyqqan 4 jáne shırek fınalda jeńiske jetken eki myqty boksshy joldamaǵa ıe bolady. Al 69, 75 jáne 81 kılo salmaqtaǵy boksshylarǵa 5 joldama beriledi. 91 jáne 91 kılodan joǵary salmaqtaǵy boksshylarǵa 4 joldama qarastyrylǵan. Iаǵnı jartylaı fınalǵa shyqqan tórt boksshy Tokıoǵa barady. Qalǵan joldamalar qyzdar boksyna tıesili.

Aıta ketelik, Tokıo Olımpıadasyna irikteý týrnıri 3-11 naýryz aralyǵynda ótedi. Qazaqstan quramasy Iordanııaǵa 28 aqpan kúni attanady.

 

Sońǵy jańalyqtar

Tekelige qos aqqý qondy

Aımaqtar • Búgin, 09:10

Eńbek etkenge eleýli qoldaý

Aımaqtar • Búgin, 08:35

Jańa jumys oryndary ashylady

Aımaqtar • Búgin, 08:33

Ekspress-test jetkizdi

Qoǵam • Búgin, 08:30

Ataly sóz aıtty

Rýhanııat • Búgin, 08:30

Jolda qaldyrmaıtyn «Jol kartasy»

Aımaqtar • Búgin, 08:28

Partııalyq tekserý júrgizildi

Aımaqtar • Búgin, 08:26

Ǵylym-bilim jııýǵa arnaý qajet

Rýhanııat • Búgin, 08:25

Yntymaǵyń alǵa ozdyrady

Rýhanııat • Búgin, 08:22

Basym baǵyttardy aıqyndap berdi

Saıasat • Búgin, 08:20

Indetten qorǵanýdy shyǵystan úırensin

Medısına • Búgin, 08:15

El erteńine senimimizdi nyǵaıtty

Saıasat • Búgin, 08:15

El-jurttyń amandyǵy – nazarda

Saıasat • Búgin, 08:15

Bir bolaıyq, irgemiz sógilmesin!

Qoǵam • Búgin, 08:12

Ǵasyrdan da uzaq kún

Tarıh • Búgin, 08:09

Jaýyngerlik daıarlyqqa nuqsan kelmeıdi

Rýhanııat • Búgin, 08:07

Aldyn alý sharalary kúsheıtildi

Qoǵam • Búgin, 08:05

Barlyǵymyzdy sabyrly bolýǵa shaqyrdy

Saıasat • Búgin, 08:05

«Mahabbat ánin gúlderge jazamyn...»

Rýhanııat • Búgin, 08:01

Shydamdylyq tanytýǵa shaqyrdy

Rýhanııat • Búgin, 08:00

Kórkemdik sarapshysy

Tanym • Búgin, 07:59

Qarýdy qalamǵa aıyrbastap...

Rýhanııat • Búgin, 07:56

Kıeli mekenderdi kórgińiz kelse

Tanym • Búgin, 07:51

Taýteke sanyn qalaı kóbeıtemiz?

Rýhanııat • Búgin, 07:36

Qurmashev jasaǵan qosymsha

Tehnologııa • Búgin, 07:32

Syn saǵatta súringen joq

Aımaqtar • Búgin, 07:29

108 myń oqýshy qashyqtan oqıdy

Aımaqtar • Búgin, 07:26

Muǵalimder de aldyńǵy shepte júr

Qoǵam • Búgin, 07:23

Eki sportshymyz aldyńǵy lekte

Rýhanııat • Búgin, 07:20

Qarǵyn sý: qamdanǵan qapy qalmaıdy

Ekologııa • Búgin, 07:19

Jylyna – 100 myń tonna bolat qubyr

Ekonomıka • Búgin, 07:11

Uqsas jańalyqtar