Aımaqtar • 21 Aqpan, 2020

Aqtóbede «Analar amanatyn» arqalaǵan kórme-satý alańy ashyldy

17 retkórsetildi

Búginde ne kóp, ár túrli is-sharalar men jıyndar, festıvaldar men konferensııalar kóp. Alaıda mundaı basqosýlardyń bári birdeı el-jurtqa naqty paıdasyn tıgize bermeıtini de jasyryn emes. Áıtse de bıylǵy aqpan aıynda Aqtóbede ótkizilgen «kórpefest» megafestıvali jóninde bulaı deı almaımyz. «Altyn Orda» avtorlyq dızaın úıiniń negizin qalaýshy, belgili qazaqstandyq qolóner sheberi Yrza Tursynzadanyń bastamasymen ótken úsh kúndik festıvali kezine jıyrmadan astam úlken qalyń kórpe, 150 jastyq jáne eki júzden astam shaǵyn-kórpe tósenishter tigilgen edi.

Festıval aıaqtalǵannan keıin aqtóbelik qyz-kelinshekter men áıel-analardyń qolynan shyqqan ismerlik buıymdar «Anaǵa taǵzym» ortalyǵynda ashylǵan kórme-satý alańyna qoıyldy. Jergilikti atqarýshy organdar tarapynan arnaıy bólingen orynda oblys ortalyǵyndaǵy jáne shalǵaıdaǵy aýdandardan kelgen qolónerge ıkemi bar názik jandar óz ónimderin kópshilikke usynyp, saýda-sattyqqa shyǵara alady. Bul úshin turaqty túrde jumys jasaıtyn alańda oryndy jalǵa berý aqysy alynbaıdy. Sonymen birge olar munda qolónerdiń keıbir qyry men syry, sonyń ishinde kórpe jastyqtar tigýdiń birqatar ádis-tásilderi jóninde oı-pikir almasyp, tájirıbelerin bólise alady. Túpteı kelgende mundaǵy basty maqsat, kópshiliktiń suranysyna ıe bola alatyn jabdyqtar jasaý bolyp otyr. Istiń bulaısha uıymdastyrylýy óńirdegi qyz-kelinshekter men kóp balaly analardyń jumyspen qamtylýyna ári óz kásipterin ashýyna yqpal jasamaq.

«Analar amanaty» degen tamasha ataýdy ıelengen jobanyń erteńi jóninde Aqtóbe qalalyq maslıhatynyń hatshysy Sulýpan Shyntasova óz tujyrymyn gazet tilshisine bylaısha jetkizdi.

- Jańadan ashylǵan arnaıy alań eki birdeı ıgilikti isti atqara alady. Birinshiden tutynýshylar qaz-qatar qoıylǵan qolóner buıymdaryna kózderine túskende beınebir kórmege kelgendeı áserde qalady. Ekinshiden ózderi usynǵan dúnıeni tańdap satyp alýlaryna da jol ashyq. Arnaıy bólingen orynnyń kórme-satý alańy dep atalýy da sondyqtan, - dedi ol.

Sondaı-aq onyń aıtýynsha bul jerge aldaǵy ýaqytta on saýsaǵy maıysqan sheberler ádiptegen kózdiń jaýyn alatyndaı qyz jasaýy, shildehana, qudalyq jáne ózge de halyqtyq-joralǵylarǵa qajetti ár túrli buıymdar, kórpe-jastyqtar men besikter jasalyp qoıylmaq. Osylaısha «Analar amanatyn» arqalaǵan Aqtóbe qalasyndaǵy kórme-satý alańy  óz múmkindikterin keńeıtip, sheberlikterin shyndaı bermek.

Aqtóbe

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Uqsas jańalyqtar