Qoǵam • 21 Aqpan, 2020

«Biz birgemiz» chellendj-aksııasy 50 myńǵa jýyq elordalyqty biriktirdi

40 retkórsetildi

Elorda jastary, belsendileri, stýdentteri, jumyskerleri birneshe kún boıy qolǵa kúrek alyp, qalany qar men muzdan tazartýǵa at salysýda. #Bizbirgemiz heshtegi arqyly qala jastary áleýmettik jelilerge foto, vıdeo júktep, qala turǵyndaryn belsendi bolýǵa shaqyrdy. Osy ýaqyt aralyǵynda belsendi jastardyń kúshimen, qala irgesinde turatyn 100-den astam otbasyna kómek kórsetildi.

Nur-Sultan qalasy Jastar saıasaty máseleleri basqarmacynyń basshysy Dáýlet Káribektiń aıtýynsha, #Bizbirgemiz chellendji respýblıkadaǵy eriktiler qozǵalysynyń damýyna qýatty serpin berdi.

«Chellendj ıdeıasy elordada tolassyz jaýǵan qardan paıda boldy. Árıne, kommýnaldyq qyzmetshiler, tehnıka qala ıgiligine kúndiz-túni jumys istep jatyr. Degenmen de biz jastar osyndaı ýaqytta súıikti qalamyzben birge bolyp, qalamyzdy qardan tazalaıyq dep sheshtik. Nátıjesinde jastar, qala turǵyndaryna, ásirese, muqtaj otbasylarǵa, qarttar men múgedekterge úlken qolǵabys jasady. Bizdiń qozǵalysqa barlyq jastar birlestikteri, qalanyń keıbir uıymdary men joǵary oqý oryndary qosyldy. Bul aksııa ári qaraı da óz jalǵasyn tabady degen senimdemin, - dedi Dáýlet Káribek.

Qazirgi ýaqytta eriktiler qamqorlyqty qajet etetin elorda turǵyndaryna qar jınaýǵa, úıdiń aınalasyn tazalaýǵa kómektesýde. Kúntizbede qystyń sońy jaqyn bolsa da, aqpan aıy demalýǵa múmkindik bermeıdi. Mysaly, sınoptıkterdiń málimetinshe, 18-19 aqpan aralyǵynda túnde jarty aılyq mólsherdegi jaýyn-shashyn jaýdy. Aqpan aıynyń basynan beri túsken jaýyn-shashyn 33 mm quraıdy.

Sol sebepten de osy faktorlardy esepke ala otyryp, qalalyq kommýnaldyq qyzmetter elorda aýmaǵyn qar men muzdan tazartý qarqynyn arttyrýǵa tyrysady. Bul iste olarǵa eriktilerdiń kómegi asa mańyzdy. Astanalyq eriktiler ótkizgen bul is-sharalar jergilikti sý basýdy barynsha azaıtýǵa múmkindik beredi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar