Aımaqtar • 21 Aqpan, 2020

Jádiger bolyp qalmaý úshin «Jádiger» ortalyǵyn qurdy

447 ret

kórsetildi

1 mın

oqý úshin

Reseıdiń Qostanaımen irgeles Chelıabi oblysyndaǵy Zlotoýst qalasynda «Jádiger» qazaq ulttyq-mádenı ortalyǵy qurylyp, oǵan arnaıy bólingen kabınet jasaqtaldy. Osy qaladaǵy qazaq dıasporasynyń belsendisi Álııa Nuǵmanovanyń aıtýyna qaraǵanda, ortalyqtyń osyǵan deıin aty bar da, zaty joq bolatyn. Endi oǵan kabınet bólinip, ortalyq jumysyna jan kirgendeı boldy. Kabınette jergilikti qazaq dıasporasy ókilderinen jınalǵan kóneniń kózindeı turmystyq zattar, ulttyq kıimder úlgileri qoıyldy.

Egemen Qazaqstan

Jádiger bolyp qalmaý úshin «Jádiger» ortalyǵyn qurdy

«Ortalyq eń aldymen osyndaǵy at tóbelindeı az qazaqqa ana tilin úıretýdi maqsat tutty. Til bolmaǵan soń, munda ulttyq dástúr-saltymyzdyń saqtalýy da maqtanarlyq dep aıta almaımyn. Endi jastarǵa halqymyzdyń salt-dástúrleri, tarıhy týraly osy ortalyqta aıtatyn bolamyz», deıdi Álııa Nuǵmanova.

Ortalyq Qazaqstanmen baılanysty, atamekenmen týrıstik qarym-qatynas ornatýǵa muryndyq bolýdy oılastyryp otyr. «Jádiger» ortalyǵynda Uly Otan soǵysyna qatysqan reseılik qazaqtar týraly da materıaldar qoıylǵan. Bul Uly Jeńistiń 75 jyldyǵyna arnalǵan, sonymen qatar jastardyń boıynda ulttyq seziminiń oıanýyna da septigi bolady degen oıdan týyndapty.