Aımaqtar • 21 Aqpan, 2020

«Qasıetti Qazaqstan» ensıklopedııasy: Qostanaıda úshinshi tomnyń tusaýkeseri ótti

28 retkórsetildi

Tarıhı-tanymdyq mańyzǵa ıe qundy eńbekke Qaraǵandy, Qostanaı, Qyzylorda, Jambyl oblystarynyń kıeli jerleri, tarıhı oqıǵalar ótken qasıetti oryndar, tabıǵı landshafttyń erekshe eskertkishteri men ulttyq kundy mádenı muralar engen.

Jańa jınaqtyń tusaýkeser rásimi oblystyq tarıhı-ólketaný mýzeıinde ótti. Oǵan jergilikti ólketanýshylar, tarıhshy ǵalymdar, mádenıet qyzmetkerleri, óńirlik «Rýhanı jańǵyrý» joba keńsesiniń ókilderi qatysty.

Ensıklopedııaǵa Qostanaı oblysynan bas aıaǵy 38 kıeli nysan enip otyr. Onyń 28-i jergilikti, 10-y jalpyulttyq mańyzǵa ıe. «Qasıetti Qazaqstan» ǵylymı-zertteý ortalyǵynyń dırektory Batyrhan Jumabaev jınalǵan kópshilikti kitap mazmunymen tanystyrdy. Onyń aıtýynsha, jańa tomda ár óńirden shyqqan tarıhı tulǵalar týraly málimetter de qamtylǵan.

- Buǵan deıin Qazaqstanda bas-aıaǵy 100 jalpyulttyq nysan bolatyn bolsa, sońǵy 1-2 jyl ishinde júrgizilgen zertteý jumystarynyń nátıjesinde onyń sany 205-ke jetip otyr. Munyń syrtynda, 575 jergilikti nysan bar. Endi bulardyń sany ózgertilmeıdi.  Bıyl bul kartaǵa engen qasıetti nysandardyń qoǵamdyq ómirimizde alatyn orny, týrızmdi damytýǵa tıgizetin yqpaly, tarıhı-geografııalyq mańyzy sııaqty máselelerdi zertteý jumystaryn bastaımyz, - deıdi ortalyq basshysy. Jalpy «Qazaqstannyń kıeli jerleriniń geografııasy» jobasy iske asqaly 56 arheologııalyq qazba jumystary júrgizilip, 25 tarıhı nysan qaıta qalpyna keltirilgen.

Oblystyq mádenıet basqarmasynyń basshysy Erlan Qalmaqov ensıklopedııa jaryqqa shyqqanǵa deıin tarıhı derekterdi jınaý, zerdelep, júıeleý jumystaryn júrgizgen oblystyq ólketaný mýzeıiniń qyzmetkerleri men jergilikti ólketanýshylarǵa alǵys aıtty. Basqarma basshysynyń aıtýynsha, jańa ensıklopedııa jalpy kópshilikke  arnalǵan jınaq.

 

Nurqanat Qulabaev,

Qostanaı

Sońǵy jańalyqtar

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar