Qoǵam • 21 Aqpan, 2020

Beıbit jıyndar pozısııany ashyq bildirýdiń quraly

27 retkórsetildi

Juma kúni Petropavl qalasyna Aqparat jáne qoǵamdyq damý mınıstrliginiń jaýapty hatshysy Janat Qojahmetov, mınıstrliktiń zań departamenti bastyǵynyń orynbasary Ádilbek Muhambetqalıquly kelip, «Azamattyq alıans qaýymdastyǵy»  múshelerine, saıası partııalar ókilderine jáne basqa da belsendi azamattarǵa «Qazaqstan Respýblıkasynda beıbit jınalystardy uıymdastyrý jáne ótkizý týraly» zań jobasyn túsindirip, áńgime ótkizdi.

Zań jobasy Prezıdent Qasym-Jomart Toqaevtyń «Mıtıngilerdi uıymdastyrýdy habarlaý prınsıpin engizýimiz kerek, bul bizdiń Konstıtýsııamyzǵa qaıshy emes. Eger zańdy buzbasa, qoǵamdyq tártip pen azamattardyń tynyshtyǵyna nuqsan keltirmese mıtıngterge qarsylyq joq. Qoǵamdyq sanaǵa mıtıng ótkizý mádenıetin egý ýaqyty keldi. Qoǵamǵa da, memleketke de pozısııalardyń ashyq bildirilýine túsinistikpen qaraý kerek. Bul qajettilik, oǵan májbúrlikpen emes, sanalylyqpen ózdigimizden jetýimiz kerek», degen sózinen keıin Aqparat jáne qoǵamdyq damý mınıstrligi beıbit jıyndar týraly zań jobasyn ázirlegen. Janat Qojahmetovtyń aıtýyna qaraǵanda ol kóptegen demokratııalyq elderdiń osy tárizdes zańdarynyń tájirıbesin zertteý arqyly jasalǵan. Zań jobasy azamattardyń quqy men bostandyǵynyń saqtalýyna tolyq kepildik beredi.

Sonymen qatar sheshen qandaı adamdarǵa jáne qandaı jaǵdaılarda beıbit jıyndar uıymdastyrýǵa bolmaıtyndyǵyn da atap ótti. Beıbit jıyndar ótkizýdi jarııalaý, oǵan kelisim berý nemese bermeý tártipteri, oryndardy belgileý, qansha adamǵa deıin  ruqsat etý jáne t.b. normalardyń bárin sheshen táptishtep baıandap berdi. Sonyń ishinde beıbit jıyn ótkizýge Petropavl qalasynda tórt oryn belgilengen eken.

Tyńdaýshylar arasynda zań jobasymen jiti tanysyp, ony zerttegen adamdar az bolsa da ózderiniń quqyn shekteýi múmkin degen keıbir normalar olardyń suraqtaryn týdyrdy. Máselen, zań jobasynda "250 adamǵa deıin qatysatyn sharany ótkizý úshin bılikti habardar etý jetkilikti" dep kórsetilgen. Eger mundaı habarlaýdan keıin zańda belgilengen merzim ishinde jergilikti atqarýshy organnan jaýap bolmasa, aksııa ótkizý kelisilgen bolyp sanalady eken. Biraq jergilikti quqyq qorǵaý organdary tipti 250 adamǵa jetpeıtin jıyndardy da «adam sany asyp ketti» degendi syltaýratyp kúshpen taratyp jiberýi múmkin ǵoı. О́ıtkeni, kelgenderdi kim sanap jatyr, olardyń ishinde jaı kórýge barǵandar da, jýrnalıster de bolady emes pe? Al kez kelgen sotqa «sanymyz 250-den aspap edi» dep dáleldeı almaısyń, sondyqtan uıymdastyrýshy jaýapker bolyp shyqpaı ma degen suraq qoıyldy. Oǵan J.Qojahmetov qazirgi beınekórinis tehnıkalary mundaıǵa jol bergizbeıtinin, eger quqyq qorǵaý organdary tarapynan zańsyzdyqqa jol berilse, olardyń jaýapkershilik tartatynyn aıtty.

Jalpy, jınalǵandar zań jobasy týraly birshama maǵlumattar alyp, ózderi úshin paıdaly aqparat aldy.

 

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar