Tanym • 24 Aqpan, 2020

О́tken ǵasyr órnegi

17 retkórsetildi

Ulttyq mýzeıde «Sýretshiler men Selınograd. Tirshilik pen qala» atty kórme ashyldy. Is-shara qalanyń aıryqsha mádenı estelik orny hám tyń ólkesindegi kásibı ónerge úles qosqan tulǵalarǵa qurmet retinde Selınograd qalasy Sýretshiler odaǵy músheleriniń (1961-1997 jj.) shyǵarmashylyǵyna arnalǵan.

Kórmeniń ashylý rásiminde Ulttyq mýzeı dırektorynyń orynbasary Abaı Satybaldın elordanyń qalyptasýy men rýhanı damý tarıhyna toqtala kelip, qalanyń keńestik dáýir tusyndaǵy ósip-órkendeýi Qazaq­standaǵy tyń jerlerdi ıge­rýmen tikeleı baılanysty ekenin tilge tıek etti.

– Dál osy kezde Selı­no­­gradqa Lenıngrad já­ne Más­­­keý qalalary shyǵar­ma­shy­lyq joǵary oqý oryn­da­ry­nyń túlekteri jol­da­ma­men keldi. Qazaqstan Sý­retshiler odaǵynyń Selı­nograd bólimin qurý týraly sheshim qabyldanǵan sát te sol oqıǵamen tuspa-tus keledi. Myna kórmeden Selınograd sýretshileriniń qy­zyqty, tarıhqa baı jumys­ta­rymen jan-jaqty tanysyp, shy­ǵarmashylyq izdenisterine kýá bolasyzdar, – dedi A.Saty­bal­dın.

Ekspozısııaǵa 200-den astam týyndy usynyldy, olar­­dyń arasynda Selı­no­grad Sýretshiler odaǵy ne­gi­zin qalaýshylar men olar­dyń shákirtteriniń jar­­ty ǵasyr ishindegi eń­bek­te­ri, atap aıtqanda, ýaqyt be­­de­rin beı­neleıtin túrli ta­­qy­ryptaǵy kórkem, gra­fı­kalyq, sándik-qoldanbaly jáne músin týyndylary bar. Kórmege ke­lýshiler Nur-Sul­tan qalasy Memlekettik qalalyq muraǵat usynǵan ta­­rıhı qujattarmen tany­syp, sondaı-aq mýzeı qor­larynan, jeke adamdar kolleksııalarynan, fading.tse pab­lık-qaýymdastyǵynyń qa­ty­sýymen jınaqtalǵan 60-80-jyldarǵy turmystyq zat­tardy tamashalady.

Kórmeniń ashylýyna sý­retshi Mıhaıl Antonıýktiń qyzy Feıgan-Antonıýk Oksana hanym qatysty. «Sýretshiler de mýzykanttar men aqyndar sııaqty halyq. О́ner jaı adam­ǵa qonbaıdy. Biraq Qudaıdyń bergen bul syıyn ári qaraı tereń meńgerip, ónerdiń bıik shyńyna qol jetkizý adamnyń óziniń tynymsyz eńbegine baılanysty. Mundaı qıyn joldan qaısar, eńbekqor adamdar ǵana óte alady. Ondaı jan­­dar qaı kezde de úlken qur­­metke laıyq. Alaıda óki­nishke qaraı, keıde rýhanııat ekinshi planǵa ysyrylyp qalyp qoıyp jatady. Sondaı sátte sýretshi eńbegine mán berip, qoldaý bildiretin mý­zeılerdiń eńbegin aıryqsha atap ótkim keledi. О́ıtkeni olar­syz biz ótkenimizdi tanyp-bilip, keleshegimizdi boljaı almaı­myz», dedi ol. Kórme osy jyl­dyń naýryz aıynyń aıaǵyna deıin jalǵasady dep kútilýde.

 

Qarshyǵa KÚLEN

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar