Aýyl • 24 Aqpan, 2020

Aýyl – ulttyń uıtqysy deıdi qarjy salasynyń ardageri Muhıt Qabyluly

17 retkórsetildi

Qazirgi kezde elimizdiń shalǵaı aýdandary men iri eldi mekenderinde «Aýyl – el besigi» jobasy aıasynda óreli ózgerister bolyp jatqanyn eshkim de joqqa shyǵara almaıdy. Áıtse de «kórmes túıeni de kórmes» degendeı mundaı ómirsheń jobalar men aýqymdy isterdi kórgisi, elegisi kelmeıtin adamdar da joq emes. Kerisinshe el ishindegi jaqsylyqtar men jańalyqtardy jany súıetin, ony maqtan tuta alatyn oı-órisi joǵary, parasat-paıymy bıik azamattar da jeterlik.

«Egemenniń» Aqtóbe qalasyndaǵy tilshi qosymyna shalǵaıdaǵy Temir aýdanynan arnaıy kelgen aqsaqal, qarjy salasynyń ardageri Muhıt Qabylulyn dál osy qatarǵa qoıýǵa ábden bolady-aý degen oıǵa keldik. О́ıtkeni ol «Egemenge» jeke bastyń qamymen emes, el ishinde atqarylyp jatqan san alýan ister men tyndyrymdy jumystar jóninde aıtýdy qajet dep taýypty.

– Básekege qabiletti el bolý úshin biz eń aldymen ejelgi tól mádenıetimiz ben salt-dástúrimizdi jáne ulttyq kodymyz ben otanshyldyq sezimdi saqtaı bilýimiz kerek. Munyń bári týǵan jerge degen súıispenshiliten bastaý alady dep bilemin. Aýyldastarymnyń boıynda osyndaı qasıetterdiń toǵysýy meni ár kez rızashylyq sezimge bóleıdi. Aýyl – ulttyq rýhtyń qýat alar qaınar kózi, ulttyń uıtqysy emes pe?! О́rkenıetti elder kóshiniń qatarynda bolýmyz jolynda aýyldyń arqalaıtyn orny men júgi qashanda erekshe, – dep bastady ol óz áńgimesin.

Kelesi kezekte Muhıt aǵa budan eki jyl buryn QR Tuńǵysh Prezıdenti – Elbasy Nursultan Nazarbaevtyń bastamasy boıynsha qabyldanǵan «Aýyl – el besigi» jobasy barlyq jerdegideı Temir aýdanynda da qyzý qoldaý tapqanyn, ári atalǵan joba aıasynda ájeptáýir ister qolǵa alynǵanyn aıtyp berdi. Onyń aıtýynsha munda qordalanyp qalǵan basty problemanyń biri –  jol qatynasy bolsa, ótken jyly  90 mıllıon teńgege jýyq qarajatqa aýdan ortalyǵy Shubarqudyqtaǵy kóshelerge kúrdeli jóndeý jumystary júrgizilipti. Uzyndyǵy úsh kılometrge jýyq avtomobıl joly salynyp, el ıgiligine paıdalanýǵa berilipti.

Sondaı-aq eldiń qadirmendi aqsaqaly aýdan ortalyǵynda buǵan deıin arnaıy turǵyzylǵan oryn bolmaǵandyqtan kúrespen shuǵyldanýǵa bekem bel býǵan jastar jattyǵýlardy Mádenıet úıimen japsarlas ornalasqan bólmede jasap kelgenine toqtaldy. Al ekinshi bir kúres zalynyń birin halyqqa qyzmet kórsetý ortalyǵyndaǵy kabınetterdiń biri atqarǵan.

Jergilikti atqarýshy organ jetekshileri men el turǵyndarynyń ózara aýyzbirshiligimen is-qımyldary nátıjesinde bul másele de «Aýyl –  el besigi» jobasy sheńberinde sheshimin taba bastapty. Sóıtip «Qyzyljar» dep atalatyn shaǵyn aýdanda dene shynyqtyrý jáne saýyqtyrý kesheniniń qurylys jumystary bastalypty. Bıylǵy 2020 jyldyń basynda oǵan respýblıkalyq jáne oblystyq bıýdjetterden taǵy da qosymsha 130 mıllıon teńge kóleminde qarajat bólingen eken.

Salamatty ómir saltyn qalyptastyrý men buqaralyq sportty damytý isine úlken septigin tıgize alatyn kelisti keshenniń jalpy quny 580 mıllıon teńgeni quraıdy. Ony paıdalanýǵa berý bıylǵy jyldyń kúz aılaryna belgilengen, – dedi «Egemenge» elden kelgen aqsaqal Muhıt Qabyluly. Sóz arasynda ol sanaldy ǵumyryn qarjy salasyna arnaǵandyqtan da osyndaı naqty derekterdi alǵa tarta sóılegendi jany qalap turatynyn jetkizdi.

Áńgimesiniń aıaǵynda ol Temir aýdanynda budan ózge de atqarylyp júrgen is-sharalar men jobalar barshylyq ekenin, sondyqtan da bul baǵyttaǵy bastamalar bas basylym betinde jaryq kórýin amanat ete kelgenin aıtty. Álbette, amanatqa qııanat jasaýǵa bolmaıdy. Ony oryndamaý kúnáli istiń qataryna kiredi. Sol sebepten de alystaǵy aýdannan arnaıy kelgen aqsaqaldyń amanatyn oryndaý úshin osy joldardy jazyp, redaksııaǵa joldaǵandy jón kórdik

 

Aqtóbe oblysy

Temir aýdany

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar