Tanym • 25 Aqpan, 2020

Ulttyq taǵamdar umyt qalmasa eken

23 retkórsetildi

Shymkentten meıman kelgen. Ádeıilep emes, atústi. Áldebir sharýamen Kókshetaýǵa at basyn burypty. As qamdaýǵa qaratatyn emes. Ortalyqtaǵy meıramhanalardyń birinen ózek jalǵasam bolǵany deıdi.

Asqa qaraýǵa murshasy joq jolaýshynyń etegine jarmasa­tyn ejelgi ádetimiz emes pe? Jo­­marttyǵymdy baıqasyn dep, shaýjaıyna jarmasyp, qaıta-qaıta «úıge soqsańshy, saqtaýly sybaǵań bar», dep qoıamyn.

– Et piskenshe ne zaman, kidirip qalamyn ǵoı, – deıdi ol, – degenmen, syrt jerde Kók­shetaýdyń etiniń dámin maq­taıdy. Zaıyry jegen shóbi­nen, ishken sýynan shyǵar.

– Múmkin ol da bar shyǵar. Bizdiń peıilimizge oraı tátti bolýy da ǵajap emes, – dep qoıamyn men.

Oblys ortalyǵyndaǵy tó­besi kók tiregen záýlim meıram­ha­nalarda tústik as tabyla ber­meıdi. Olar toı-dýman ótkizýge ǵana laıyqtalǵan. Sha­ǵyn dámha­nalardyń birin qo­laı­ly kórdik. Qo­naǵym et jegisi keledi, demek, syba­ǵaly asy qaıdan buıyrar eken?..

Áýeli ózbek dámhanasy kezik­­ti. Shymkenttiń shyraıly ji­­gitine olardyń as máziri tań­syq emes. Keıin koreıdiki. Oǵan da kidirmedik. Kelesisi sy­rahana. Shynyn aıt­qanda, taba­nyńdy qansha toz­dyrsań da, Kókshetaýda ulttyq taǵam ázir­leı­tin dámhanany kúndiz qolyńa shy­raq alyp izdeseń de tap­paı­syń. Ony aıtqan joqpyn. Uıat-taǵy.

Joq nárseni izdegennen as qamdaǵanymyz durys edi. Kári jylqynyń shandyry ýyljyp pisetin ýaqyt ótip ketti, biz áli júrmiz. Ishi sezdi-aý deımin, áldeneshe ýaqytta qoı myna bireýine kire salaıyq dedi. Kire saldyq. Jaýdan mal aıyrǵandaı jýsatyp jatyrmyz. Ishine el qonǵan soń tilge kelgen:

– Baıaǵyda joryq jyldarynda babalarymyz ózek jalǵar asyn qalaı daıyndaǵanyn bilesiń be? Qazan qaınatyp otyratyn ýaqyt joq. Ii qanǵan qoı terisinen ja­salǵan torsyq pishindes ydysqa jyl­qynyń kesek etin salyp, er toqymynyń astyna baılap qoı­ǵan. Kúni boıy qoltyǵy jyrtylyp, jortýylda júrgen jyl­qynyń eti bir qyzyp alǵan soń, qazannyń astyndaǵy ottan kem bol­masa kerek. Tańerteń baılasa tú­­ste, túste baılasa keshke daıyn bolǵan. Al munda el aman, jurt ty­nyshta súısinip as isher, ulttyq ta­ǵam daıyndaıtyn dámhana joq eken.

– Bar, – dedim men daýsym sál qumyǵyp, – túneýkúni istep turǵan. Jóndeýge jabylyp qal­ǵan ǵoı. Jóndeledi, jóndeımiz. 

Jóndeımiz degenim, syrahanasy kóp bolǵanymen, qymyzhanasy joq eldegi kásipkerlerge sengennen aıtqan ýájim ǵoı.

 

KО́KShETAÝ

 

Sońǵy jańalyqtar

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Ustalyq – kıeli kásip

Qazaqstan • Búgin, 16:05

Qarataýdy ańsaǵan qyran

Tanym • Búgin, 15:54

Áýlıeaǵash týraly áńgime

Tanym • Búgin, 15:38

Aqmola oblysynda karantın

Aımaqtar • Búgin, 15:22

Armannyń azamattyǵy

Aımaqtar • Búgin, 15:13

Jetisýda jetinshi adam indet juqtyrdy

Aımaqtar • Búgin, 15:08

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Uqsas jańalyqtar