Aımaqtar • 25 Aqpan, 2020

Soltústik Qazaqstan oblysynda «Kóktem 2020» arnaıy tehnıkalyq jattyǵý ótti

10 retkórsetildi

Soltústik Qazaqstan oblysynda «Kóktem-2020» operasııasy aıasynda Qyzyljar, Shal aqyn, Mamlıýt aýdandarynyń aǵyn sýǵa qarsy daıyndyq sharalary basqa oblystardan kelgen laýazymdy mamandardyń qatysýymen tekserildi.

Aqtóbe oblysy Tótenshe jaǵdaılar departamentiniń azamattyq qorǵanys bóliminiń bastyǵy, podpolkovnık Rýslan Sahıev bastaǵan top óz jumystaryn aldymen Shal aqyn aýdanyndaǵy daıyndyq sharalaryn tekserýden bastady. Olar qatardaǵy jáne ofıserlik quramnyń fýnksıonaldyq mindetterin, sý tasqyny kezeńinde boljamdy is-áreketterdiń qandaı bolýy kerektigine nazar aýdardy. Sonymen qatar sý basý qaýpi bar aýmaqtarda avtonomdy jumys isteý múmkindigine kóńil aýdara otyryp, qyzmetkerlerdi jabdyqtaý men «dabyl chemodandarynyń» jıyntyǵy erekshe tekserildi.

Osy aýdannyń aýmaǵynda oblys kólemindegi eń úlken «Sergeev sý qoımasy» bar. Aýdan ákimi Nurlan Esimov tekserýshilerge osy gıdrotehnıkalyq qurylystyń jumys isteýi, sý tasqyny kezindegi jaǵdaıy týraly aıtyp berdi. Osy nysannyń jáne aýdan ortalyǵy Sergeevka qalasy turǵyndarynyń qulaqtandyrylý júıesi de tekserildi.

Sondaı-aq tekserýshilerge jaqyn arada joldarda bolǵan qar keptelisi kezinde qutqarý jumystaryn júrgizýge tartylǵan evakýasııalyq pýnkt pen onyń qalaı jumys istegendigi týraly da aıtyldy.

Budan ári tekserýshilerdiń jumys toby, josparǵa sáıkes, Qyzyljar aýdanyndaǵy Esil boıyndaǵy Novonıkolskoe selosyna baryp, sý tasyǵanda munda qandaı sharalar jasalatyndyǵymen tanysty. Aýyldyq okrýgtyń ákimi Elena Zaharova Esil ózeninde jaqynda salynǵan kópirdiń sý tasqyny kezeńinde jumys isteýi týraly aıtyp, osy eldi mekendi sý tasqynynan qorǵaý jónindegi is-sharalar týraly esep berdi.

Sonymen qatar tekserýshilerge sý tasqynyna qarsy is-sharalardy ótkizý, qaýipti aýmaqtardan qardy tasymaldaý boıynsha Qyzyljar aýdany Báıterek selolyq okrýgi jáne Mamlıýt aýdany Mamlıýtka qalasy ákimderiniń baıandamalary tyńdaldy. О́rt sóndirý bólimderiniń qarý-jaraǵynda turǵan jáne sý tasqyny kezinde paıdalanýǵa arnalǵan sý sorǵysh tehnıkalar da nazardan tys qalǵan joq. О́ziniń sózinde tekserýshiler tobynyń basshysy Rýslan Sahıev daıyndyq sharalarynyń qanaǵattanarlyq deńgeıde ekenin atap ótti. Ol ótken jyldardaǵy osyndaǵy avarııalyq-qutqarý jumystaryna qatysý tájirıbesin eske alyp, tehnıkalar men adam resýrstaryn ońtaıly paıdalaný boıynsha óziniń usynystaryn da aıtty.

Soltústik Qazaqstan oblysy

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar