Qoǵam • 25 Aqpan, 2020

Birde-bir lombard Qarjy naryǵyn retteý jáne damytý agenttigine tirkelmegen

55 retkórsetildi

Búgin  Ulttyq bank  lombardtarmen qalaı jumys isteý týraly qysqasha túsinik berdi. Uqqanymyz – aǵymdaǵy jyldyń 1 qańtarynan bastap elimizdiń barlyq lombardtary mıkroqarjy uıymdary mártebesine ótti.  Alaıda, osy ýaqytqa deıin birde-bir lombard Qazaqstan Respýblıkasynyń Qarjy naryǵyn retteý jáne damytý agenttigine tirkelmegen. Osyny kópshiliktiń qaperine salǵan Bas retteýshi   qazaqstandyqtardy tirkelmegen qarjy uıymdarymen jumys istemeýge shaqyrady.  Bul týraly   atalmysh vedomstvanyń baspasóz qyzmetinen habarlady.  

«Qazaqstan Respýblıkasynyń «Mıkroqarjy qyzmeti týraly» 2019 jylǵy 3 shildedegi Zańyna sáıkes, lombardtardyń jeke tulǵalarǵa mıkrokredıtter berý jónindegi qyzmeti 2020 jylǵy 1 qańtardan bastap mıkroqarjy qyzmeti retinde jikteledi. Sonymen birge óz qyzmetin júzege asyrý úshin lombardtar 2020 jyldyń 1 shildesinen keıin tirkelýi kerek, sodan keıin Agenttik osy uıymdardy retteıdi. Búgingi tańda lombardtardyń birde-bireýi Agenttikke tirkeýge júgingen joq jáne sáıkesinshe mıkroqarjy uıymdarynyń tiziliminde joq» delingen habarlamada.

Tirkeýden ótken mıkroqarjy uıymdarynyń tizimin Agenttiktiń www.finreg.kz resmı saıtynda «Ruqsattar men habarlamalar tizilimi» - «Ruqsattar» - «Mıkroqarjy uıymdaryn eseptik tirkeý» bóliminen taba alasyz.

«Biz kelisimshartqa otyrǵan kezde barlyq yqtımal táýekelderdi óz betinshe baǵalap, jaýapkershilik júgin kóterýge daıyn ekenińizge nazar aýdarýlaryńyzdy suraımyz» dep tolyqtyrdy Ulttyq bank. 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar