Parlament • 25 Aqpan, 2020

Senatorlar О́zbekstanmen zańsyz kóshi-qon kelisimniń ratıfıkasııasyn qarady

416 retkórsetildi

Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Zańsyz kóshi-qonǵa qarsy kúrestegi yntymaqtastyq týraly kelisimdi ratıfıkasııalaý týraly» zań jobasy qaraldy. Jıyn komıtet basshysy Muhtar Qul-Muhammedtiń tóraǵalyq etýimen ótti. Bul týraly Parlament Senatynyń baspasóz qyzmeti habarlady.

Bul qujatpen 2019 jyldyń 15 sáýirinde Tashkent qalasynda qol qoıylǵan Qazaqstan Respýblıkasy Úkimeti men О́zbekstan Respýblıkasy Úkimeti arasynda zańsyz kóshi-qonǵa qarsy kúrestegi yntymaqtastyq jónindegi kelisimdi ratıfıkasııalaý kózdelip otyr.

Ishki ister mınıstriniń birinshi orynbasary Marat Qojaevtyń baıandaýynsha, kelisimniń maqsaty – zańsyz kóshi-qonmen kúreste ekijaqty yntymaqtastyqtyń quqyqtyq negizin qurý, ol kelisýshi taraptardyń aýmaqtaryndaǵy kóshi-qon prosesin retteýdegi mańyzdy salalardyń biri.

Zań jobasy boıynsha jumys tobyna jetekshilik etken senator Dana Nurjigitova eki eldiń áriptestik qarym-qatynasyn damytý men nyǵaıta túsýde ekijaqty kelisimniń mańyzyna toqtaldy. Onyń aıtýynsha, kelisim zańsyz kóshi-qonnyń jolyn kesý men eskertý maqsatynda paıdalanatyn statıstıkalyq, ǵylymı-ádistemelik jáne basqa da aqparattarmen bólisip, zańsyz kóshi-qonǵa qarsy kúreste birlesken tıimdi sharalardy iske asyrýǵa múmkindik beredi. Taraptardyń yntymaqtastyǵy eki eldiń kóshi-qonmen aınalysatyn quzyretti organdar qyzmetkerlerin daıarlaý jáne biliktiligin arttyrý, zańsyz kóshi-qonmen kúres salasynda ǵylymı zertteýler júrgizý, eki el aýmaqtarynda zańsyz kóshi-qonǵa qarsy jedel-profılaktıkalyq birlesken sharalar uıymdastyrý sıpatynda júzege asatyn bolady.

Senator M.Qul-Muhammed sharany qorytyndylaı kelip, kelisimdi ratıfıkasııalaýdyń nátıjesinde ekijaqty zańsyz kóshi-qondy retteý arqyly ulttyq qaýipsizdikti qamtamasyz etý men ekonomıkalyq turaqtylyq kútiletinin jetkizdi.

Zań jobasy Senattyń jalpy otyrysynda qaraýǵa usynyldy.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar