Ekonomıka • 25 Aqpan, 2020

Qazaqstan jol qaýipsizdigin qamtamasyz etýde álemdik tájirıbeni qoldanbaq

10 retkórsetildi

Otandyq avtomobıl joldary salasynyń ókilderi Shvesııa astanasy, Stokgolmde jol qozǵalysy qaýipsizidigi taqyrybynda ótken III Dúnıejúzilik mınıstrlik konferensııasyna qatysty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Apattylyqqa qatysty statıstıkalyq málimetter bar álemde rekordtyq kórsetkishterge jetken. Tek resmı derekterge ǵana súıensek, JKO-nyń saldarynan jylyna 1 mlrd 35 mln adam kóz jumsa, 50 mln adam túrli jaraqat alady. Búgingi tańda jol-kólik oqıǵalary jasy 5-ten 29-ǵa deıingi balalar men jastar arasyndaǵy ólim-jitimniń basty sebepteriniń biri bolyp otyr. Osy jahandyq máseleni sheshý joldary Shvesııa úkimeti men Dúnıejúzilik Densaýlyq saqtaý uıymy muryndyq bolǵan halyqaralyq forýmda talqylandy. Ishinde Qazaqstannyń ókilderi bar 80 eldiń 1500 delegaty apattylyq deńgeıin tómendetýge baǵyttalǵan baǵdarlamalardy iske asyrý tájirıbesimen bólisip, jol qozǵalysy qaýipsizdigin qamtamasyz etýdiń strategııalyq baǵyttaryn anyqtady.

Osylaısha, shara barysynda konferensııaǵa qatysýshylar Stokgolm deklarasııasyn maquldady. Onda Memleket basshylary men Úkimetteriniń deńgeıinde jol qozǵalysy qaýipsizdigi taqyrybyna arnalǵan BUU Bas Assambleıasynyń keńesin ótkizý usynylǵan. Qujatta kórsetilgen is júzindegi qadamdarǵa keler bolsaq, kóliktiń neǵurlym qaýipsiz, ekologııalyq taza túrlerine kóshýdi jedeldetý, joǵary sapaly medısınalyq kómekke ýaqtyly qol jetkizýdi qamtamasyz etý, sondaı-aq avtomobılderdiń jyldamdyǵyna baqylaýdy kúsheıtý jónindegi sharalar erekshe oryn alady.

Quramyna QR IIDM Avtomobıl joldary komıtetiniń «Ulttyq jol aktıvteri sapasy ortalyǵy» RMK ókilderi kirgen qazaqstandyq delegasııa birqatar ekijaqty kezdesýler ótkizip, jol qaýipsizdigi salasyndaǵy jahandyq trendter qaralǵan semınarǵa qatysty.

Qazaqstannyń Stokgolmdegi mınıstrlik kezdesýge qatysýy jáne shara aıasynda is júzinde tájirıbe almasýy bizdiń elimizdegi jol qozǵalysy qaýipsizdigin qamtamasyz etýdi damytýda zamanaýı tehnologııalar men eń úzdik tájirıbelerdi tartýǵa yqpal etpek.

Aıta keteıik, Shvesııa álemniń basqa elderi úlgi eter jol qozǵalysy qaýipsizdigin qamtamasyz etýdiń jańa Vision Zero tásildemesin qoldanady.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar