Qoǵam • 28 Aqpan, 2020

Indet táýekeli joǵary

40 retkórsetildi

Qytaıdan taraǵan koronavırýstiń oshaǵy keńeıe tústi. Shekarany qymtaýda Qytaı elimen ǵana emes, basqa da shet memleketterge baılanysty saqtyq sharalary qolǵa alynyp jatyr. Sońǵy kúnderi ásirese Ońtústik Koreıadaǵy ahýal alańdata bastady. Atalǵan elde ótken táýlikte aldyńǵy kúnmen salystyrǵanda ınfeksııanyń ósim qarqyny 48 paıyzǵa jetken. Qytaıda indettiń artýy táýligine 65-70 paıyz bolǵanyn eskersek, bul aıtarlyqtaı joǵary ósim.

 

Keshe Densaýlyq saqtaý mınıstri Eljan Birtanov BAQ ókilderimen kezdesýinde Ońtústik Koreıadaǵy jaǵdaı kúrdelene tússe batyl sharalar qabyldanatynyn jetkizdi. Máselen, 1 naýryzdan bastap áýe ta­symalynyń sany qysqarady. Qazir­diń ózinde túbektegi elde 30 myń Qazaq­stan azamaty bar. Al olar­dyń 25 myńy elge oralǵysy kelse, eli­­miz­degi juqpaly aýrý­ha­na­­laró­daǵy qo­sym­sha oryn sany sh­amamen 7 myńdy quraıdy eken. Qosym­sha 3,5 myń medısınalyq uıym­dy ka­rantın­dik mekemege aınal­­dyrý­ǵa bolady. Bul kórset­­kish sonyń ózinde bar­lyq kelý­shini qamtymaıtyny belgili. E.Bir­tanov osy rette shetelden kelý­shiler­diń úı karantıni boıynsha oq­shaýlana­tynyn jetkizdi. Iаǵnı, eki aptanyń ishinde aýrý qaýpiniń bar-joǵyna kóz jetkizgennen keıin karantındik oqshaýlaý toqtatylady.

Mınıstr elimizde koronavırýs indetiniń joq ekenin, alaıda atalǵan indet bolǵan jaǵdaıda ony jasyrý múmkin emes ekenin de atap ótti.

«Koronavırýs Qazaqstanǵa kel­meı­di dep aıta almaımyn. О́ıt­keni indettiń táýekeli óte joǵary. Biz elimizde qajetti sharalardy daıyndap jatyrmyz. Bul daıyndyqtyń mańyzy úlken. Dúnıejúzilik densaý­lyq saqtaý uıymy eń mańyz­dysy, aýrýdyń aldyn alý ekenin aıtýda. Mysaly, Germanııa úki­me­tiniń basshysy elde epıdemııa bas­tal­ǵanyn jarııalady», dedi mınıstr.

E.Birtanov koronavırýs dúnıe júzine jyldam taralyp jatqa­nyn, biraq aýrýdy juqtyrǵan adam­nyń barlyǵy ómirmen qosh aıtysady deýdiń durys emestigin aıtady. «Jalpy, elimizde qyzylsha, tyrysqaq sııaqty ártúrli ınfeksııa­lyq aýrýlar jyl saıyn bolady. Oǵan sanıtarlyq qyzmet tarapynan naqty sharalar qabyldanady. Iаǵnı, sanıtarlyq dáriger aıtqan keńesterdi qoldaý kerek. Sonda qaýipti jaǵdaıdy tómendetýge múm­kindik bar. Qorqatyn eshteńesi joq. Bul kádimgi ınfeksııalyq aýrý. Kóz jumǵandardyń sany 100 adamnyń ishinde 3 paıyzdy ǵana quraıdy. Basym bóligi sozylmaly aýrýmen aýyratyn qarııalar men ımmýnıteti tómen jandar. Jalǵan aqparattarǵa senbeńizder. Búkil qajetti aqparatty berip tu­ramyz. Sony tyńdap, baqylaýda ustaý qajet», dedi E.Birtanov.

Mınıstrdiń aıtýynsha, koronavırýs qaýpimen kúres áý bas­tan jan-jaqty júrgizilip jatyr. «Áýelgi mindet – ınfeksııany elge engizbeý boldy. Sol sebepti 6 qańtarda úsh kezeńnen turatyn kúsheıtý jumystary júrgizildi. Qazaqstan men Qytaı shekarasynda 1 aqpannan bastap búkil respýblıka shekarasynda monıtorıng júrgizile bastady. 20 aqpannan beri qaýipti elder tizimi ulǵaıdy. Oǵan Qytaıdan bólek birqatar el kirdi. Shekaradan ótken ár adamǵa qatysty málimetter bazasy bar. Bireýler «teplovızordan ótpedim, saýaldama toltyrmadym», dep jatady. Mundaı biren-saran derek kezdesedi, biraq aıta qoıarlyq problema emes. О́ńirler kúndelikti mınıstrlikke esep berip otyr. Qytaıdan keletin adamdar da turaqty monıtorıngten ótedi. Máselen, osy kúnge deıin Qytaıdan kelgen 24 myń adamnyń jartysy 14 kúndik karantınnen ótip, monıtorıngten shyǵaryldy. Qytaıdan kelgen 185 adam karantınde jatyr. 1 naýryzdan bastap bizde tizim keńeıtiledi. Oǵan Ońtústik Koreıa, Italııa, Iran jáne Japonııa azamattary kirdi. Biz bárin aýrýhanaǵa jatqyzbaımyz. Naqty aýrý nyshany barlary ǵana medısınalyq turǵyda oqshaýlanady. О́zderin jaqsy sezingen adamdar úıde baqylaýda bolady. Eń mańyzdysy, ınfeksııanyń elge kelýine jáne taralýyna jol bermeýdiń bir ǵana tásili bar ekenin este ustaý qajet. Bul úshin áleýetti táýekeli bar adamdar eshkimmen baılanys­qa shyqpaı, 14 kún úıinde bolýy qajet. О́ıtkeni ol bireýlermen ara­lasyp, 10 kúnnen keıin onda aýrý belgileri shyqsa, bizge onymen baılanysta bolǵan adamdardyń barlyǵyn izdep taýyp, oqshaýlaýǵa týra keledi», dedi ve­domstvo basshysy.

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar