Qoǵam • 28 Aqpan, 2020

Saqtyqqa salǵyrt qaramańyz

29 retkórsetildi

Koronavırýstyń álemge tarala basta­ǵany týraly alǵash­qy habar túskennen bastap Qazaqstanda aldyn alý sharasy óte joǵary deńgeıde jasalyp ja­­tyr. Eń aldymen, aýrý juqtyryp almaýy úshin Qytaıda júrgen otandastarymyz el­ge qaı­­­­ta­ryldy. Saqtyq sharalaryn júrgizý úshin Úki­­­metten qarjy bólindi. Barlyq oblyst­arda ın­­­fek­­sııalyq jáne karantınge arnalǵan oryn da­­ıyn­­daldy. Karantındik oryn aýrý tara­ǵan el­­derden kelgen azamattardy 14 kún oq­shaý­­laý­ǵa arnaldy. Bul ınkýbasııalyq merzim dep ata­lady. Iаǵnı, ınfeksııa juqqannan aýrý bas­t­al­­ǵan­ǵa deıingi aralyqty qamtıdy. Sońǵy kezde aýrý 24  kún ótkennen keıin baıqalady degen de aq­parat bar. Soǵan baılanysty eki apta ka­ran­­tın­de bolǵan adam jaǵdaıyna qaraı úıinde ne­me­se basqa túrde jeńildetilgen karantınde bolýy tıis.

Búgingi tańda bul ınfeksııa elge kirgen joq. Bul Úkimettiń, Densaýlyq saqtaý mınıstrliginiń atqarǵan qyzmetiniń nátıjesi dep sanaımyn. Árıne juqpaly dert kelmeıdi dep beıqam otyrýǵa da bolmaıdy. Saqtyq sharalary kúsheıtilgen kúıinde júre beredi. Biraq soǵan kózqaras durys bolyp, qorǵanys jaǵynan árbirimiz úles qosýymyz kerek. Bul úshin  eń aldymen sanıtarlyq gıgıenany saqtaý, shekteý qoıylǵan elderge barmaý, al sol elderden kelgender karantındik merzimdi durys túsinip, odan ótkeni jón. Bul halyq úshin, adamnyń densaýlyǵy úshin istelip jatqan jumys.

Bul aýrýdyń taraýy óte tez. Qaıtys bolǵan adamdar da kóp. Búkil qurlyqta tarady deýge bolady. Demek, bul óte qaterli ınfeksııa. Sondyqtan qazaqstandyqtar osy ınfeksııa shyqqan elderge barmaǵany jón. Demalamyn dep baryp aýrý alyp qaıtýyńyz ábden múmkin. Qazaqstan buǵan deıin qus tumaýy, shoshqa tumaýy sııaqty ınfeksııaǵa qarsy tura aldy. Biraz tájirıbe jınaldy. Eger ınfeksııa tarala qalǵan jaǵdaıda bizdiń medısınanyń kúshi jetedi dep oılaımyn.

Jaqsylyq Dosqalıev,

medısına ǵylymdarynyń doktory,  professor

 

Sońǵy jańalyqtar

Uqsas jańalyqtar